Guris gale verd

Sur feminist

2009-09-01T09:48:00.002+02:00

Glitterfitter med fleire syns visst at feministar er for sure.
Eg lurar på kva som feilar folk som ikkje blir sure over at verda er slik som den er:

Eg trur eg hadde hatt større problem om eg ikkje vart sur...

Viktig melding!

2008-11-20T22:22:00.002+01:00

Eg er feminist. Ottarfeminist til og med.
Og eg gir blanke faen i kva du har på deg. Verkeleg.

Nedlagt

2008-04-27T17:50:00.002+02:00

Denen bloggen legg ned i dag.
Kanskje gjenoppstår den seinare på ei anna dresse. Kven veit.

Grunnen? Det er for mange som diskuterar person i staden for sak og for mange som prøve å pressa blogging inn i ein boks. Eg orkar ikkje å forhalda meg til slikt når eg skriv.

Eg kjem til å fortsetja å skriva i reisebloggen min når eg reiser :)

Er du her fordi du kjenner meg i røynda, ikkje fordi du er ein bloggar? I såfall kan du senda meg ein e-post eller ei melding på fjesbok og få adressa til der eg skriv no.

Minnea og Randi: Eg beklagar oppriktig at eg aldri svara på "oppgåvene" dykkar. Eg hadde lyst til å skriva dei, byrja på dei til og med, men så fekk eg denne bloggeklumpen me har hengt i så opp i halsen at eg ikkje orka. Beklagar.

Takk for meg.

I live

2008-04-03T17:42:00.002+02:00

Eg er rett og slett oppteken for tida.
Rett og slett.

Ut på tur

2008-03-18T00:24:00.002+01:00

Eg reiser til Kina i morgo tidleg.
Om de vil kan de lesa meir om kva eg føretek meg der på reisebloggen min.

Eg skriv postane Randi og Minneapolise fekk bestemma når eg kjem tilbake:)

Filmar du bør ha sett, 8. mars edition

2008-03-08T13:31:00.002+01:00

Alle bør sjå siste episode i sesong 7 av "Buffy, the vampire slayer".
Den inneheld ein fantastisk sekvens der alle undertrykte kvinner byrjar å stå opp for seg sjølve. Som feminist kan ein jo verta rørt til tårene av slikt.

Not ready to make nice

2008-03-05T19:00:00.002+01:00

Det hender folk prøver å fortelja meg korleis eg skal leva livet mitt. Kva eg bør prioritera, kva eg bør meina, korleis eg bør kle meg, snakka og oppføra meg. Kva kampar eg skal kjempa. Fordi eg er feminist.

Det hender folk meinar at eg burde snakka litt mindre om sex. At eg ikkje burde driva å masa om likestilling i noreg, for det er jo så mykje verre i somalia, må vita. At eg burde ha litt lenger skjørt. At eg burde eller ikkje burde barbera leggane mine. At eg berre burde godta at kvinner og menn vert famstilte gjennomgåande som motsetningar i media, for hadde det ikkje vorte keisamt om alle var like?

Vel, gjett kva. Ingen har rett til å fortelja meg korleis eg skal leva livet mitt. Eg er ikkje feminist for å vera snill, inkluderande eller visa omsorg for dei stakkars kvinnene i afrika.

Eg er feminist fordi eg må. Det er tvingande nødvendig for meg. For at eg skal kunna leva livet mitt slik eg vil. Fordi eg, på grunn av kjønnet mitt, ikkje har same mogelegheitar som menn. Og det er ikkje haldbart. For meg.

Å vera feminist er ikkje ei løna stilling. Eg er ikkje tilsett av nokon som kan bestemma korleis eg bør prioritera. Eg prioriterar på bakgrunn av kva eg, eg ja, syns er viktig. For meg.

Det er alltid nokon som har det verre. Det tyder ikkje at dei andre kampane ikkje er viktige. Å oversjå eigne behov til fordel for å hjelpa andre er sjeldan lurt. Faktisk er det ein av dei mindre konstruktive eigenskapane i den tradisjonelle kvinnerolla. Å vera sjølvutslettande. Eg trur at å tre inn i den tradisjonelle kvinnerolla ville ha begrensa meg så mykje at eg ikkje ville ha vore i stand til å arbeida med og for kvinners rettar globalt.

Så ikkje kom og fortel meg kva eg burde gjera, kva eg burde sei, meina og kjempa for. Kva eg skal bruka mi tid og mine krefter på. For det er det faktisk eg som bestemmer.

"I’m not ready to make nice
I’m not ready to back down
I’m still mad as hell and I don’t have time to go 'round and 'round and 'round"

Og eg lurar på, desse som dukkar opp ei gong i blant og er sure fordi eg snakkar om sex når eg kunne ha snakka om omskorne damer i somalia, når gjorde dei sist noko for å hjelpa omskorne damer i somalia? Eg berre lurar...
Det hadde nok vore meir effektivt om dei engasjerte seg sjølve i staden for å kjefta på meg for at eg brukar kreftene mine på "feil" ting. Just sayin'.

Overskrift og sitat henta frå "Not ready to make nice" av Dixie Chicks. Ja, eg veit kva den eigentleg handlar om.

Jenta i den grøne kjolen

2008-03-01T21:49:00.006+01:00

Eg la to fingrar på kragebeinet hennar. Huda var varm og mjuk. Eg lot handa følgja kragebeinet ned mot midten. Ho låg heilt stille med augene lukka medan eg førte fingrane lenger ned, mot den venstre puppen. Laga ein liten sirkel rundt brystvorta før dei strauk over den perfekt boga underpuppen.

Ho sukka svakt idet du kyssa ho på innsida av kneet. Den sjokoladebrune huda di stod i kontrast til hennar kvite, nesten gjennomsiktige. Eg kunne kjenna at kroppen hennar spente seg under handa mi då du fortsette oppovert låret, med små, lette kyss.

***

I det eg ringte på døra byrja det å snø. Store, kvite flak. Eg hutra. Håpa at nokon skulle opna den gule døra snart. Lurte på om ho var på festen. Du hadde sagt ho skulle koma.

***

Ho klynka svakt då du kom til toppen av låret. Du løfta hovudet og såg på meg. Smilte. Eg lente meg fram og kyssa deg. Kjende smaken av både deg og ho samtidig. Beit deg lett i underleppa. Du sat heilt stille ein liten augenblink, så kyssa du meg hardt. Saug med til deg, før du sleppte meg og lente deg ned igjen til henne.

***

Eg la kåpa mi i ein krok som ikkje var altfor full av jakker frå før av. Golvet var fullt av sko, eg hadde nesten vrikka ankelen då eg kom til å trakka på eit par grøne conversesko som låg rett innanfor døra.
Du hadde smilt då du opna for meg, gove meg eit kyss på kinnet. Sagt at, ja, ho var her. Ho sat i stova og snakka med folk. Ho hadde visst på seg ein grøn kjole som verkeleg framheva det raude håret og den kvite huda hennar.

***

Eg tok den eine puppen hennar i handa mi, strauk over den. Så kyssa eg den andre. Lot tunga gå i sirklar rundt bryustvorta. Sirklar som vart mindre og mindre, før dei var så så små at det ikkje gjekk an å laga sirklar meir.

***

Ho var verkeleg vakker i den grøne kjolen. Eg sette meg ned ved sida av ho. Ho smilte litt sjenert og såg vekk. Svara berre kort då eg sa hei til ho.
Det var stille ei lita stund.
Det rykte litt i kroppen hennar, som om ho ville snu seg mot meg men ikkje gjorde det. Eg la ei hand på skuldera hennar og spurde om det var noko. Ho snudde seg mot meg, såg rett på meg med dei store, grøne augene sine og sa at me måtte snakka, kunne me gå ut på kjøkenet?

***

Ho gispa og skar ei grimase då det gjekk for ho. Det gjekk bølgjer gjennom kroppen hennar. Eg elska å sjå på ho når det gjekk for ho. Sjå korleis ho gav seg over til følelsane. Korleis ho gav slepp på all kontroll.
Ho strekte armane ned og løfta vekk hovudet ditt. Eg lente meg fram og lot leppene mine møta hennar. Du dytta meg vekk og kyssa ho før du snudde deg og kyssa meg og.

***

Ho såg seg litt hjelpelaust rundt. Som om orda ho prøvde å finna låg skjulte i ei hylle bak koppar og fat.
Du gjekk forbi ute i gangen og fekk auga på oss. Du sa nokre orde til dei du snakka med der ute før du kom inn til oss og la ei hand rundt livet mitt. Du såg spørjande frå meg til ho. Eg trekte på skuldrene.

Ho svalde eit par gonger og blunka fort. Trekte pusten.
-Eg må seia noko. Sa ho.
-Eg kan ikkje ha sex med dykk meir. Ho såg på deg. -Eg trur eg er forelska i deg, og... ho beit seg i underleppa. -og eg greier ikkje at me liksom skal vera alle saman. -At alle liksom skal ha akkurat det same forhaldet og dei same følelsane for alle.
-Eg berre greier ikkje.
-Unnskuld.

Ho såg frå deg til meg og tilbake igjen, så pusta ho djupt og retta seg opp.
-Så, ser dykk seinare då...

Svar konkuranse

2008-03-01T19:24:00.003+01:00

Sitatet "Slik sett synes faget å ha gått inn på informasjonssamfunnet sine premissar der kravet lett blir at alt skal med og ingenting forkstast." er henta frå "Musikk i bruk" av Magne Espeland frå 1992 og handlar om musikkfaget på 70- og 80-talet.

Esquil, Randi og Minneapolise var like nære med sine svar og får difor alle lov til å velja tema og sjanger for ein post eg skal skriva. Eg vil skriva postane i løpet av dei tre neste vekene. Tema og sjanger kan de skriva i ein kommentar.

Konkuranse!

2008-02-18T21:17:00.003+01:00

Når vart dette skrive, og kva er det skrive om?
(Eg spør mest avdi eg lurar på kva for assosiasjonar de får av dette sitatet.)

"Slik sett synes faget å ha gått inn på informasjonssamfunnet sine premissar der kravet lett blir at alt skal med og ingenting forkstast."

Premie: Du får bestemma kva eg skal skriva om i ein post, samt sjanger.

Om eg får mindre enn to svar vert eg lei meg :(

Killing us softly, framstilling av kvinner i reklame

2008-02-17T13:34:00.003+01:00

Hellyeah! har ellereie posta denne, men eg synes den er så bra at eg og gjer det.

Trykk på linken.

Annika og Guri tek kjerringtest (igjen)

2008-02-07T20:00:00.000+01:00

Dette memet svara eg visst på for to år sidan, då fekk eg veldig høg score, men når eg har sett det rundt om kring no i det siste kan eg ikkje heilt skjøna korleis, så eg tek den på nytt. Denne gonga saman med Annika på nitten frå klassa mi.

Du bruker mer penger i uka enn i helgene
A: Det er jeg ikke sikker på, men borte blir de!
G: Ja. Men ikkje denne veka.

Du har duk og blomsterpotte på TV-en
A: Bruker den bærbare pc'en som tv, ville vært rent idioti å putte duk og potte på den. Ville ikke gjort det om jeg kunne heller.
G: Duk? Blomsterpotte? TV? Eh, nei.

Du rydder jevnlig i dypfryseren
A: Har bare noen skrumpne brødskiver i fryseren. Tror virkelig ikke det er nødvendig å rydde i dem. Hva kan jeg endre på, rekkefølgen de ligger i?
G: Eg har berre sånn kjøleskåpfrysar. Den har forssen frukt fremst og forundringsfryseboks innst.

Du synes det kunne vært gøy å prøve "en sånn hurtigvin"
A: Hurtigvin, hva er det. En vin som smaker godt så den går hurtig ned. I så fall ville det være gøy å prøve.
G: Ein sånn kvafornoko?

Du vet hva du skal ha til middag på søndag allerede på onsdag
A: Bare hvis jeg er så fattig at jeg må planlegge. Noe jeg desverre ofte er!
G: Nei, men eg veit kva eg har til middag no.

Du synes fersk gjær er bedre enn tørr gjær
A: Det skal være sikkert og visst. Ikke det at jeg sitter og spiser gjær...
G: Gjer eg?

Du synes middag kl 19.00 er sent
A: Nei. Skal man være oppe lenge må man spise sent.
G: Nei.

Du har fem kasser med julepynt
A: Har en julekalender, skal litt til for å få den til å fylle opp fem kasser.
G: Eg har ein nisse ein av dei som budde her før gløymde igjen, den har stått på same stad i eit par år no...

Du kjøper julepynt på salg i januar
A: Nei
G: Haha. Nei.

Du snakker helst med kvinner på fest
A: Kvinner, vil det si damer over 40. I så fall nei!
G: Eg snakkar vanlegvis mest med kvinner på fest. Kjønnsbalansen på jobbane og skulane/klassane eg har hatt/gått i sidan 2000 har vore 30% menn og 70% kvinner. Kvar skulle eg finna alle mennene liksom?

Du blir lykkelig over en ny kjele
A: Selvsagt, jeg eier jo bare en!
G: Ny. Oh, ny! Shiny! Wuhu!

Du lager pudding eller grateng av alle middagsrester
A: Pudding og grateng krever ofte en ovn, så nei!
G: Middagsrestar puttar eg i matboksen og tek med til lunsj neste dag. Wokpudding eller paigrateng? Trur ikkje det.

Du spiser Kongen av Danmark eller Honningkamfer
A: Æsss. Spiser IFA
G: Nei, eg et ikkje godteri.

Du spiser alltid rekecocktail til forrett
A: Forett. Er mer desserttypen!
G: Kva er det eigentleg? Det er sånn ein åt på åttitalet? Men eg likar reker altså.

Du synes det er festlig med fiskekabaret
A: Fisk er festlig!
G: Eg synest det er festleg å synga "bæ bæ lille lam" fleirstemt med liten sekund mellom stemmene. Fins det noko eg ikkje kan synast er festleg?

Du begynner å bruke de broderte dukene som du har fått av svigermor
A: Svigemor. Er det nå jeg burde få panikk over at jeg ikke har noen kjæreste eller svigemor! Men uansett, skal en del til før jeg begynner å bruke blondeduker.
G: Igjen, duk? Svigermor?

Du har ferdiglagede middager med på påskeferie
A: Nei, nei, nei. Mat er alltid best nylaget. Og Halve moroa er jo å grille pølser på bål.
G: Eg trur ikkje det er lov å ta med seg mat ut av EØS området. Uansett vert vel maten ganske ekkel etter eit par dagar?

Du synes dronning Sonja har mange artige hatter
A: Artig er kanskje ikke ordet! Hva med snåle eller stygge?
G: Herregud, dette megmeget har ganske mange dumme spørsmål altså. Eg har sansynlegvis ikkje sett eit einaste bilete av dronninga sidan sist eg tok megmeget.

Du går med lysebrune nylonstrømper til skjørt
A: Nope. Svarte ullstrømper eller ingenting!
G: Nei! Og det er det 14åringar som gjer, ikkje gamle damer.

Du har tellekant på trusene
A: Jeg har kant på dem, og kan telle. Men ingen tellekant
G: Eg har tellekant på sokkane, men nei, ikkje tellekant på trusene altså.

Du har brettede plastposer i vesken i tilfelle du skal handle noe
A: Nei, men skulle ønske jeg hadde det. Da hadde jeg sluppet å ha ørten tusen av dem slengende rundt overalt.
G: Nei. Eg dreg på nok skrot uten. Blokkfløyte til dømes.

Du sjekker kølappen på polet hver gang det plinger
A: Kølapp på polet. Hva er det for noe. Går bare til kassen jeg.
G: Ikkje ei gong polet på Tynset har kølappsystem lenger. Det er ingen som sjekkar kølapp på polet, for det er ikkje kølapp på polet.

Du tar bilde av din praktfulle balkongkasse og viser det fram på jobben
A: Nei, men om jeg hadde hatt en blomsterkasse skulle jeg gjort det : - P
G: Blomsterkassa mi døydde. Anna har flytta.

Du synes det er for sent å gå på nier'n på kino
A: Bare fordi det er så fært å komme seg hjem igjen etterpå. Kaldt, mørkt, vått, få busser.
G: Eg er ikkje ferdig på jobb/skulen klokka seks, så den filmen som går då kan eg i alle fall ikkje sjå.

Du får såpe i julegave
A: Hei, man kan ikke kontrollere hva man får!
G: Nei, men eg gjorde det då eg var ti. (No er eg eigentleg lei dette og angrar på at eg har lurt Annika til å bli med på prosjektet slik at eg faktisk må svara på alle desse dumme spørsmåla.)

Du plukker bort støv og hår fra andres klær uten baktanker
A: Det henner, må jo inrømme det. Men ingen liker då å se ut som en hårete katt.
G: Ja. Berre for at dei skal festa seg til mine klede når eg slepp dei.

Du bruker samme tepose to ganger
A: Nei. Har en tendens til å velge for stort glass i utgangspunktet, så teen min ender opp veldig svak fra før av.
G: Nei.

Du har med pute når du skal kjøre langt i bil
A: Nei. Men hver gang jeg er på en lang biltur tar jeg meg selv i å tenke "kunne ønske jeg hadde tatt med meg en pute".
G: Nei. Nei. Nei. Eg har ikkje bil og eg pakkar lett.

Du melder deg inn i bokklubben bare for å få kaffeserviset
A: Er skeptisk til alle meld deg inn å få gratis ting. Frykter portoen eller noe jeg aldri vil klare å rive meg løs fra.
G: Eg melder meg inn i bokklubben for å få dei tre gratis bøkene og radioen.

Du har våtservietter i bilen
A: Hverken bil eller våtservietter. Men hei, våtservietter er ganske praktiske.
G: Må ein ha bil liksom? Hæ?

Du soler deg i vanlig BH
A: Har du sett huden min eller. kan ikke sole meg jeg vettu. Må ha så mye solkrem at jeg sannsynlighvis ikke trenger hverken bh eller bikini.
G: Eg solar meg ikkje.

Du danser swing til all slags musikk
A: Nei, danser nørdedansen!
G: Eh, ja? Eg dansar generelt sett alt mogeleg til kva som helst musikk.. Burde eg ikkje det? Skal me vera sånne sjangernasiar no liksom?
Kan forresten føya til at på Halloween dansa me superheltdansen. Det fins bilete. På internett. Det er me veldig glade for. Mhm.

Du svømmer som en hund for ikke å bli våt i håret
A: Eg svømmar som en sel, som Selik!
G: Eg sym som ein litt rar frosk, avdi eg er dårleg til å symja.

Du kjøper "gode" sko
A: Ikke først å fremst. Men ser nødvendigheten i å ha et par gode sko. Og det er bedre å kjøpe et par skikkelige sko som varer, enn masse skvip som går i stykker. Vi måsta tenka på planeten vår.
G: Eg gjorde det før, men eg fekk det ikkje til i lengden. Men eg passar på at alle skoa har bra balansepunkt :)

Du har paraply i håndvesken
A: Jeg bor i Bergen. Det er ikke et valg, men en nødvendighet!
G: Eg bur i bergen, det er ikkje vits i å ha paraply.
Eg har budd i bergen eit par år lenger enn Annika...

Du tar selv initiativ til slektsstevne
A: Har aldri vært på noe skikkelig slektsstevne, men kanskje jeg skal arrangere et!
G: Ja. Eg likar slektningane mine.

Du tar vare på tomme rømmebokser og syltetøyglass
A: Flaut, flaut, flaut. Har noen tomme pastasausglass og en isboks. Og hva skal jeg med det? Bruke det senere....øhhh...
G: Kvifor skulle eg det? Eg resirkulerar tom embalasje.

Du bruker sukkerbit til kaffen
A: Nei til kaffe, ja til kakao
G: Eg et vanlegvis ikkje sukker og drikk ikkje kaffe. Sukker og kaffe. Ew.

Du serverer fyrstekake, rullekake, smurt lefse eller smultringer når du inviterer til kaffeselskap
A: Er mer brownie og cookie-person. Men hender jeg disker opp med en god gammeldags eplekake. Og ja, det må lages fra bunnen av.
G: Eg serverte te og peparkaker til ei veninne før jol. Men lefse er godt det altså.

Hurra! Ferdig!

Annika hadde festkegare svar enn meg. *furt*

Nadejda Sokolova

2008-01-27T23:26:00.000+01:00

Alle burde forresten ta ein tur innom denne posten hjå Undre.

Mangel på koherens mellom image og utsagn

2008-01-27T22:51:00.000+01:00

Min *utsjånad* er ikkje slik den er frå naturen si side. Eg har *faktisk* i stor grad valt sjølv korleis eg ser ut. Det kan du tolka kordan faen du vil. Gjer det meg ueigna til å vera feminist? Til å eventuelt skriva bok? Bli intervjua av dagbladet? Meina noko om moralske spørsmål i det heile?

Er det slik at berre dei som ser 100% naturlege ut, aldri har prøvd dop, aldri har slått nokon, aldri har gjort noko dumt i fylla, aldri har baksnakka nokon, aldri har *fyll inn "umorlaske" ting her* skal kunna koma med råd til andre?

I så fall forventar eg at det blir jævlig stille framover.

Sjølvsagt kan ein kritisera bodskapen folk signaliserar med "imaget" sitt. Det er forøvrig langt frå å kritisera folk for bodskapen dei gjev med "imaget" sitt til å sei at dei grunna "imaget" sitt er ueigna til å gi andre råd om td. dop.

Seriøst.

Utdanning versus folkevit

2008-01-21T21:45:00.000+01:00

Tidlegare i dag kom eg over denne posten om kulturelite inne hjå Rockette. Der kjem Avil med følgjande kommentar: "Eg begrip ikkje kvifor ein skal sidestille mangel på utdanning med utdanning.

Alle menneske har lik verdi for meg, men å seie at det å ikkje kunne noko er like verdifullt som å kunne noko, blir uforståeleg og ulogisk."

(Det kan vera lurt å lesa heile posten til Rockette og kommentaren til Avil i samanheng. Det er ikkje meining å få Avil til å framstå som slem med å ta noko ut av kontekst.)

Sidan eg er ein slik uutdanna ein føler eg at eg må koma med nokre innvendingar.

Eg ser poenget til Avil, og er forsåvidt einig i at ein ikkje kan likestille det å kunna noko med det å ikkje kunna noko. Problemet er berre at eg ikkje er einig i at det er slik at dei med høgare utdanning kan noko medan me andre ikkje kan noko. Det det er snakk om er å likestilla ulike typar kunnskap og ulike måtar å tileigna seg kunnskap på.

Det er ikkje slik at me som ikkje har utdanna oss ikkje har tileigna oss kunnskap på den tida dei med høgare utdanning tok udanninga si.

For det fyrste fins det, som nemnt over, ulike måtar å tileigna seg kunnskap på. Til dømes kan ein læra spansk ved å studera det på eit universitet eller ein kan læra seg spansk ved å flytta til Guatemala for å jobba. Kanskje er til og med den sistnemnde måten meir effektiv.

For det andre fins det ulike typar kunnskap, der alle er like viktige for samfunnet. Det er ein grunn til at ein for å utdanna seg til ein del yrke har læretid i staden for lange utdanningar. Ein del yrke er rett og slett lettast å læra når ein driv med det i praksis. Det er ikkje til å stikka under ein stol at snekkarar kan meir om husbygging enn psykologar. Det er heller ikkje til å stikka under ein stol at det hadde vore litt kjipt å bu i noreg om det ikkja fanst folk som kunne byggja skikkelege hus...
Både snekkarar og psykologar er nødvendige for samfunnet.

Eg høyrer til i den fyrste gruppa. Dei siste tre åra har eg jobba som sakshandsamar i eit stort multinasjonalt selskap. I den samanheng har eg blant anna lært mykje jus innan dette fagfeltet. Faktisk så mykje at eg kanskje kan meir om jus på akkurat dette eine området enn mange som er ferdig utdanna juristar. Å få slike spesialkunnskapar innan dei fagområda ein jobbar med er ikkje uvanleg.

Det fins mange grunnar til å ikkje ta høgare utdanning. Kanskje har ein verv i ein organisasjon som er for store til å kombinerast med studiar, kanskje finn ein seg ikkje til rette i akademia, kanskje har ein andre interesser. Uansett er samfunnet avhengig av alle oss uutdanna som kan ha dei ikkjeakademiske jobbane.

Å tru at ein *kan* meir enn andre berre avdi ein har høgare utdanning er i beste fall lite gjennomtenkt, i verste fall arrogant og nedlatande (og det trur eg ikkje Avil er). Som nemnt i byrjinga handlar det ikkje om å kunna meir eller mindr enn andre, men om å ha ulik kunnskap og å tileigna seg kunnskap på ulike måtar.

Forresten treng ein ikkje ha gått på universitet for å ha lese Judith Butler og Simone de Beauvoir, eller kunsthistorie for den del. Det er berre å gå på bokhandelen og kjøpa bøkene, ta dei med heim og lesa dei;)

Staff, lommemenner og idiotar

2008-01-16T10:20:00.000+01:00

Eg hadde ikkje tenkt å skriva noko om dette, men sidan eg har litt tid til overs gjer eg det likevel. Det eg seier i dette innlegget er ting eg meinar på generell basis og som eg kunne ha sagt i andre samanhengar og. Så veit de det.

Eg har merka meg at det i denne saka fins to ytterfløyar (for det har me jo aldri ellers, eh). På den eine sida har ein dei som tilsynelatande meinar at ein burde sperra den antekne lommemannen inne på livstid utan å bråk meir med ting som rettsaker og slikt. På den andre sida har ein dei som meinar at målet alltid heilagar middelet og at ytringsfridommen er viktigst alltid, uansett.

Handlingane "Lommemannen" har gjort er grusomme, og overgerp mot born er etter mi meining blant det aller verste ein kan gjera. Dette er forhåpentleg dei fleste einige om. Når det er sagt er det likevel slik at me lever i ein rettstat, og det skal me vera glade for. Dette tyder at alle har rett til ei rettvis rettsak og at ingen er skuldige (offisielt sett, det er sjølvsagt folk som utfører straffbare handlingar dei aldri vert dømde for) før dei faktisk er dømde. Dette er bra, då det faktisk hender at politiet tek feil i fyrste omgang og arresterar feil person.

Dei fleste ser vel sjølve at eit rettsystem er betre enn blodhemn og lysnjemobb.

Dette tyder forøvrig ikkje at det er greit at forsvarsadvokatar kjem med krenkande uttalingar som ufarleggjer pedofili i media. Tor E. Staff kan jo sjølvsagt sei og meina kva han vil og avisene kan trykka kva dei vil. Men det ER jo lov å tenka seg om. Er det eigentleg ein bra ting at nokon som førsøksvis ufarleggjer pedofili har kippekort i avisene? Berikar det debatten? Er det eit poeng å normalisera pedofili? Det er jo grunnar til at å utøve pedofili er ulovleg i utgangspuktet.

Eg trur både offer og overgripar hadde vore betre tent med at sakene heldt seg i rettsalane. Offera hadde sluppe å forhalde sag til krakilske advokatar i media som legg stein til byrden ved å hevda at dei er unormale som tek skade av overgrepa og overgriparen kunne nok ha vore tent med litt mindre merksemd rundt sin person den dagen den skal tilbake til samfunnet.

Som nemnt over må folk sjølvsagt få sei og meina kva dei vil. Det tyder ikkje at alt er konstruktivt. Og av og til kan ytringsfridommen kresja med andre rettar. Av og til kan ytringar få følgje i form av at dei legitimerar ulovlege handlingar eller at folk føler seg trua eller krenka av dei. Er det framleis greit å koma med slike ytringar då?

Eg synest Virrvarr , Minneapolise og Lin har skrive interessant postar om det same emnet.

Link til Minneapolise kjem seinare, då dataen på jobben fekk eit illebefinnande akkurat no.

Lur sjefen!

2008-01-15T15:12:00.000+01:00

Kjekke rampestrekar til datarommet på skulen/arbeidsplassen eller dei litt tekninsk tilbakeståande familiemedlemmane dine.

Det må vera windows for at dette skal fungera.

*Når kollegaen/fyren på datarommet/mora di går bort frå datan slår du til.
Trykk på "Alt Gr" og ein piltast (samtidig altså).
Tjoho! Skjermbiletet er feil veg.

Veldig kjekt. Særskilt om du er litt betre enn meg på å halda deg alvorleg slik at det ikkje vert så openberrt at det er deg.

Denne har eg stole frå Sonja.
Hups! det var ikkje Sjona eg hadde teke den frå, men Frøken Makeløs.

*Trykk "Start", så vel du "kjør". Då får du opp ein boks. I den boksen skriv du inn net send/users din beskjed
Då får alle på same nett som deg opp ein boks dei må klikka ok i. Dette fungerar ikkje alltid, kjem an på korleis nettet der du er heng saman. Kanskje er det nokon i finland som er på same server som du (dom du jobbar i ei stor, internasjonal bedrift) som får beskjeden og ikkje dei på avdelinga di. I så fall er det ikkje fullt så festleg. Kanskje bortsett frå for dei i Finland.

Og ja. Eg skriv dette fordi eg ikkje har tid til å skriva noko ordentleg.

Alle barna i bloggebygrenda

2007-12-29T22:23:00.000+01:00

Eskil har tagga meg til å sei fem ting om barndommen min. Så her kjem megmeget.

Eg var visst eit særs snillt og veloppdragent barn (før fylte 4 vel og merka). Ved eit tilfelle skal eg ha stått ved grandtanta mi (som altså var naboen min og) sitt låge stovevindauga fullt av knuseleg nips medan alle naboane såg bekymra på. Sjølvsagt stod eg berre fint og såg utan å røra noko.

Ja, eg veit biletet er feil veg. nei, eg bryr meg ikkje.

Eg gjekk på skule i sju år (inkludert førskule) ikkje langt frå der dette biletet vart teke.

I denne skogen lære eg og å bruka kart og kompass.

Eg er odelsjente, noko som har ført til at det var lite dokker og fine kjolar og meir tråtraktor og kjeledress i barndommen min. Eg har aldri høyrt foreldra mine sei at det fins ting jenter ikkje kan gjera som gutar kan. Me fekk til og med lov til å stå og tissa. Ja, det går an.

Eg har brukt mykje tid med dette treet. Både klatrande og huskande.

Utsikten frå treet er om lag slik.

Så det var det. Eg er ikkje så glad i å fortelja alle og ein kvar om barndommen min, så dette er så personleg som det vert på nett.

Om de vil kan de føla dykk tagga.

Filmar du bør ha sett, ein føljetong. Del 3

2007-12-08T19:10:00.000+01:00

Spirited Away/Cihiro og heksene

Eg er så vanvittig uinspirert for tida at eg ikkje ei gong greier å knota ned eit brukande samandrag av filmen... :)

Cihiro er eigentleg ei heilt vanleg jente, men for å redda seg sjølv, foreldra og den hyggelege guten Haku må ho vera modig og lur og gjera masse skumle greier. Det greier ho sjølvsagt.

Filmen er heilt fantastisk absurd og Chihiro bankar alle dei dumme Disneyprinsessene any day.

Ikkje greide eg å finna ein grei trailer heller. For eg fekk heilt angst av dei med engelsk tale. Dei seier jo alt heilt feil. Så her kjem ein litt handlingslaus japansk ein. Bjørn over med meg.

Men filmen er vel verdt å sjå. Eg lovar.

Eg er klar over at eg ikkje akkurat har promotert ukjende filmar i denne føljetongen min. Men slik har det altså berre blitt. Filmblogginga mi er mest for at eg skal skriva noko i det heile når eg eigentleg ikkje har tid til å skriva :)

Meir om bifile

2007-11-09T18:19:00.000+01:00

Det er ikkje berre eg og Virrvarr som opplever det som problematisk å definera oss som bifile (problemet er altså ikkje at me er bifile, men kva haldningar me møter hjå andre). Her er ein duskusjon frå gaysir der andre med same problem og mykje av grunnen til problema vert synlege.

Meg, kjønn og seksualitet

2007-11-07T17:04:00.000+01:00

Ein post hjå Mihoe har inspirert meg til å skriva litt om det å vera bifil og biseksuel og fordommar rundt dette.

Eg er som sagt bifil. Som verken hetero eller homo hamnar ein lett litt i eit ingenmannsland der "alle" synest du er teit.

Mange påstår til dømes at dei fleste bifile eigentleg er homo, dei er berre ikkje klare for å ta steget fullt ut. Andre igjen lurar på kvifor ein ikkje berre vel å leva heterofilt, då det angjeveleg er så mykje lettare. Mange i det homofile miljøet ser på bifile som eventyrarar som er mest ute etter eksperimentell sex men som nok kjem til å slå seg til ro som heterofile etter kvart.

Personleg kan eg ikkje for mitt bare liv forstå kva som er enklare ved å kalla seg bilfil enn ved å kalla seg lesbisk. Tvert imot. Eg opplever at eg blir møtt med fleire fordommar, både frå homo- og heterofile når eg seier eg er bifil enn når eg seier eg er lesbisk (eg seier av og til det, det gjer ting så mykje lettare).

I ein del lesbiske miljø er det slik at det å ha eit forhald til nokon som er bifile vert sett på som litt riskiabelt. Sidan alle bifile sjølvsagt eigentleg er heteroar på jakt etter krydder i tilværet og følgjeleg kjem til å dumpe den stakkars lesbiske jenta så snart ho vert lei av å leika bifil.

Ofte har heterofile og dette synet på bifile. Bifile er lett forvirra studiner som vil prøva ut den kjekke queertorien dei har lært om på universitetet i praksis.

Argumentet om at det er så mykje lettare å leva heterofilt fell på mange måtar på at det er så urimeleg. Sjølv om ein kan bestemma sjølv kven ein skal ha sex med kan ein ikkje skru av og på kven ein forelskar seg i, og den dagen ein vert hovudstups forelska i ein person av same kjønn som er like forelska tilbake er det nok ikkje eit lett offer å lata vera å inngå eit forhald til denne personen.

At det kan vera vanskeleg å koma ut av skåpet har eg full forståing for, men at det skal verta lettare ved fyrst å påstå at ein "berre" er bifil har eg inga tru på. Det eg derimot trur er at unge ofte kan vera forvirra og usikre på eigen legning. Det er ikkje til å stikka under ein stol at sosiale normer formar oss, og eg skjønar godt at nokon som aldri har vore forelska kan tru at dei er hetero heilt til den dagen dei plutseleg forelskar seg i nokon av same kjønn. Eg har mange homofile og lesbiske vener som lenge har trudd dei var både hetero- og bifile. Om "alle" forventar at Kari skal vera hetero forventar sansynlegvis Kari dette sjølv og. Kari vil altså sjølv gå ut i frå at ho er hetero til det motsette er bevist.

Eg er ikkje heilt ferdig med denne posten, trur eg, men eg må på korøving for ti minuttar sidan.

For øvrig har eg eit ambivalent forhald til heile hetero/homo/bifil opplegget. Og eigentleg til kjønn på generell basis. Eg forelskar meg i og tenner på personar, ikkje kjønn og føler meg eigentleg ganske ukomfortabel med å måtta definera min seksualitet ut i frå kjønn.

Kommentarar eg oppfattar som ekle, usaklege, slemme eller på andre måtar støytande vil bli sletta på denne posten.

Burma

2007-09-27T20:30:00.000+02:00

Klokka 19.00 på laurdag, altså den 29. september, blir det markering til støtte for munkane, nonne og alle dei sivile som demonstrerar mot militærjuntaen i Burma på festplassen.

(Litt snål setning over her, eg er trøytt.)

Filmar du bør ha sett, ein føljetong. Del 2.5

2007-09-15T13:27:00.000+02:00

Eigentleg hadde eg ikkje tenkt å skiriva om heilt nye filmar. Både avdi det er så mange andre som gjer det akkurat no (dei er jo nye) og avdi eg av og til endrar syn på filmar etter ei stund. Nokre filmar hugsar eg år seinare, medan andre er av typen "eg trur kanskje eg har sett den...". Når eg nok gjer eit unntak er det avdi eg var på kino i går og såg ein film eg synest var svært bra og dessutan viktig.

This is England
"This is England" viser skinheadkulturen på ein annarleis måte. Elleve år gamle Shaun som vert mobba av dei jamnaldrande på skulen byrjar å henga med ein gjeng eldre skinheds av den mindre seriøse type. Etter kvart får gjengen eit par eldre og meir seriøse medlemmar, og det som i utgangspunktet var eit ganske uskuldeg forsøk på å finna tilhøyringheit ender snart opp på nazisamlingar.

"This is England" lukkast med å visa skinheadsa som meneske og korleis til og med innvindrarar kan manipulerast til å tru at nazisme er vegen å gå for dei. Den viser kor langt ein kan nå med retorikk av typen "dei" og "oss".

Eit stykke ut i filmen er gjengen på eit møte i eit nasjonalistisk parit. Eg håpar at alle som ser filmen bit seg merke i kva for argument og uttrykksmåtar som vert brukt der og har det i bakhovudet neste gong dei skal bruka røysteretten sin her i noreg (dette gjeld vel fyrst og fremst ikkje dei som les bloggen min).

Takk til Lotten som tipsa meg om filmen i utgangspunktet.

Filmar du bør ha sett, ein føljetong. Del 2

2007-08-21T22:10:00.000+02:00

Sidan eg er relativt sliten for tida (fulltidsstudie og fulltidsjobb + kor, det er ei lang historie) kjem eg ikkje til å skriva ein veldig lang tekst om den andre filmen på lista mi.

Den andre filmen fortsett på sett og vis der Fucking åmål slapp. Der Fucking Åmål tek opp relativt uskuldig kjærleik mellom heilt vanlege jenter tek den andre filmen opp korleis kjerleik kan oppstå sjølv om dei involverte har eit annarleis forhald til kjønn enn det dei fleste har.

Filmen tek og opp ein del av problema ein kan møta på om ein ikkje er komfortabel med det kjønnet ein har og korleis samfunnet meinar at folk av eit spesifikt kjønn skal oppføra seg.

Det er ein veldig sterk film, spesielt for oss som har eit over gjenomsnittet trøblete forhald til kjønn. Eg synest det er ein vanskeleg film å sjå, både avdi eg kjenner meg veldig igjen i ein del av det og avdi filmen er basert på ei sann historie.

Uansett, det er ein bra og viktig film (med ein traurig trailer, ikkje døm filmen på grunn av traileren) som du bør sjå. Hilary Swank fekk Oscar for beste kvinnlege hovudrolle for innsatsen sin i denne filmen.

Boys don't cry

PS: Hurra! Eg fekk til å posta traileren under teksten.

Hjelp!

2007-08-17T22:07:00.000+02:00

Eg får ikkje til å putta teksten på postar med videoar i over videoen. Når eg prøver får eg berre opp at eg ikkje har lukka tagane mine eller at kodane er ufullstendige, sjølv om eg ikkje har rørt tagane eller kodane....

What to do?

Filmar du bør ha sett, ein føljetong (?)

2007-08-17T22:02:00.001+02:00

Etter fire og ein halv månad bloggeferie føler eg det er på tide å gje lyd frå meg igjen.

Så, inspirert av Esquil og iversens "beste film"-lister, her kjem byrjinga på det som (forhåpentleg) vert ein føljetong om filmar eg synes du bør ha sett.

Sånn utover at eg vart inspirert til dette av dei overnemnde har nok ikkje mi liste så mykje til felles med deira lister. Til dømes likar eg verken gamle krigsfilmar, romantiske filmar eller Nicolai eitelleranna Broch(?). dessutan har eg litt issues med filmar som berre har menn i hovudrollane. Berre så det er sagt.

Uansett.
Fyrste film ut er filmen eg kan sjå om eg nokon sinne skulle koma til å gløyma korleis livet var på ungdomskulen. Filmen alle dei mindre heterofile av oss (i alle fall dei av typen kvinne) kan meir eller mindre utanatt.

Fucking Åmål

Fucking Åmål kom ut før Willow i Buffy hadde vore lesbisk på TV og før nokon hadde funne ut at å laga Tv-seriar om lesber i Los Angeles var lurt om ein ville tene pengar.

Då eg trur dei fleste som les bloggen min (om det er nokon som framleis heng på)er gamle nok til å hugsa alt oppstyret filmen skapte då den kom skal eg ikkje sei meir om det. Men om nokon tvilar på kva tyding filmen hadde, og framleis har, kan dei lesa teksten om den i den svenske feministantologien Fittstim.

Uansett, det er faktisk ein bra film og.

Ave Maria

2007-03-31T21:35:00.000+02:00

Grunnen til at eg ikkje har posta noko på lenge er sjølvsagt at eg har konventert til katolisismen og vorte nonne.

Eventuelt at eg har jobba masse overtid på jobben min, sett opp opera, sett opp Brahms "deutsches requiem", og dessutan vore sjuk i bronkiane, bihulen og øyra mitt. I dag heldt eg på å svima av på scena. Hups.

I morgon skal eg bladsynga salmar eg aldri har høyrt før på gudsteneste (i johanneskyrkja klokka 11 om nokon er interesserte) og så ta toget vekk frå våren i bergen til vinteren der eg skal stå på brett, eta, sova og sjå på tv. Eg er tilbake når eg byrjar å kjeda meg.

Forresten kom eg ikkje inn på dei studia eg søkte på, men eg kan visst byrja på eit årsstudium i stavanger. Me får sjå kva det blir til.

O sole mio

2007-03-05T21:58:00.000+01:00

No er eg i Stavanger. I morgon skal eg synga på 1. runde på opptaksprøve til konservatoriet her.

Akkurat no har eg flykta inn på rommet eg bur i hos tanta mi og familien hennar, for eg greier ikkja lata vera å snakka ellers og eg bør spara på stemma.

På torsdag skal eg på 1. runde på opptaksprøve i bergen.

På laurdag har eg regiprøve på Sour Angelica.

På søndag tek eg toget til Oslo. På mandag har eg 1. runde på opptaksprøve i oslo.

For tida er eg mest oppteken av at eg ikkje skal filososfera over mine sjansar for å koma inn, så mesteparten av tida brukar eg på å øydeleggja høyrselen min med for høg musikk.

Det er mogeleg eg er litt vanskeleg å forhalda seg til for tida.

No skal eg gjera yoga.

Opera?

2007-02-15T20:32:00.000+01:00

Her skulle det ha stått om operapolitikk, men sidan eg ventar på ein e-post med dokument som eg skulle få i dag som eg ikkje har fått endå vert det noko anna i staden.

Sutregutar

På mandag var det parolemøte i 8. marskomiteen i bergen. Det var stort oppmøte, og blant dei om lag førti oppmøtte var det og fleire gutar. Heilt i byrjinga av møtet vart det stemt over om gutane skullle ha stemmerett når det vart stemt over parolane på kvinnedagen. Det vart bestemt at det skulle dei ikkje ha.

Sjølvsagt, ville no eg seia.
Men det er ikkje alle som synes slikt er sjølvsagt.

Ypperstesutreguten i hordaland AUF, til dømes, har visst litt vanskeleg for å forstå kvifor det er problematisk at han som mann skal definera kva som er viktige kvinnekrav. Ei heller forstår han at det kanskje er kontroversielt å vedta i år at menn skal ha stemmerett på parolemøtet slik at det til neste år kan koma hordar av menn som hatar feministar og kuppa heile møtet.

Så problematisk syntes han det var at han ikkje kan bestemma på vegne av kvinner at han skreiv ein protokollmerknad. Der stod det : ”Jeg anser det som rystende at et forum som jobber for likestilling mellom kvinner og menn ikke anser menns meninger som viktig nok til å la dem ta del i det viktige arbeidet med å arrangere 8.mars-toget. Jeg kom hit fordi jeg engasjerer meg i kvinnekampen, og jeg ser på det som krenkende og diskriminerende at min mening som mann ikke blir verdsatt.”

For det fyrste så er kvinnedagen ein kampdag der ein kjempar for å frå fram kvinners krav i eit samfunn der kvinner som gruppe har systematisk mindre makt enn menn.
For det andre, jadå, det er kjekt at du vil støtta meg Kjetil, men du støttar meg best ved å lata meg definera min eigen kamp, ikkje ved å sjølv prøva å definera den kampen du meiner eg bør kjempa.

Det er greit nok at du som kvit, mellomklassemann er vant til å få bestemma og at det ikkje er di feil at du er sosialisert inn i ei rolle. Eg fattar at det sikkert er hardt når du plutseleg ikkje får ta opp den plassen du er vant til å ta opp, men ærleg tala, er det ikkje litt i overkant å gå ut i avisa og sutra?

Bill.mrk. Sur og antiromantisk.

2007-02-14T11:07:00.000+01:00

Sidan eg er slik ei sur og antiromatisk feministkjerreing som hatar valentinsdagen* skriv eg ikkje noko ordentleg i dag. I morgon derimot vert det operapolitikk.

*Dette er litt sant og litt usant. Eg er ei sur og antiromantisk kjerring som hatar valentinsdagen, men det har lite med at eg er feminist å gjera, ei heller har det nokon ting med at eg er singel å gjera. Faktisk er det min angst for forhald som gjer meg antiromantisk og anivalentinsdagisk. Å vera singel er dødsfeitt!

Here comes the sun

2007-02-08T10:45:00.000+01:00

Sidan tysdag har det vore fint vær i bergen, og denne gonga skal det visst vara ei stund. Diverre.

Det er nemleg slik i bergen at luftkvaliteten er omvendt proposjonal med kor fint været er. Ifølgje gårsdagens papirutgåve av BT er det no slik at astmatikarar, allergikarar og andre med luftvegsproblem burde unngå å bevega seg ute i sentrum.

Eg bur i sentrum. For å koma meg på jobb, til butikken, til korøving, songtimar, kort sagt til livet mitt, er eg nøydd til å gå ute i sentrum. Ja, til og med midt i rushtrafikken. Eg kan ikkje berre skru av livet mitt avdi idiotar insisterar på å køyra bil i sentrum når det er fint vær.

Det ironiske er jo at det er oss fotgjengarane som vert oppfordra til å halda oss inne, ikkje bilistane, som i utgangspunktet er skuld i den dårlege luftkvaliteten, som vert oppfordra til å lata bilen stå.

I vinter har eg ikkje vore sjuk ei einaste gong, i fjor vinter var eg konstant sjuk. Skilnaden? I år har det regna kvar dag tre månadar i strekk...

Ein ting til som er ironisk; Grunnen til at det har regna kvar dag tre månadar i strekk i vinter er utslepp av klimagassar, i stor grad frå privatbilisme.

Eg er SÅ for bilfri by. Og piggdekkavgift. Og dødsdyr bensin. NO!

Når eg tenker meg om trur eg faktisk at å køyra bil når ein strengt teke ikkje treng det er ein av dei mest egoistiske handlingane ein kan gjera. For det har så utruleg store konsekvensar for så utruleg mange fleire enn dei som køyrer bilane.

Kom, kom!

2007-01-15T23:31:00.000+01:00

På torsdag (18.01) skal eg synga på Fincken om lag klokka 20.00.

Ver der eller ver firkanta.

Kjønnsfascisme

2007-01-03T21:42:00.000+01:00

eller korleis få nokon til å føla seg utilpass.

Forhistorie: Bedrifta eg arbeidar i har bestemt seg for å verta sunnare. Eit av midla for å oppnå dette er at alle dei ansette har fått ein"treningskonto", altså ein viss sum ein kan bruka på trening.

I dag då eg og ein fyr på avdelinga mi, lat oss kalla han M, sat og åt lunsj kom det bort eit par gutar frå ei anna avdeling. Dei vende seg mot M og sa dei hadde fått ein kjempebra ide. Kanskje dei to, M og nokre andre gutar dei nemnde skulle slå seg saman og bruka treningspengane sine på å leiga seg ein hall ei gong i veka og spela fotball?

Men er ikkje det bra då, tenker kanskje du. Og det er det jo forsåvidt, det er berre det at eg og kanskje kunne ha tenkt meg å vera med å spela fotball, og det var så veldig tydeleg at dei ikkje spurde meg.

For ei stund sidan skreiv Kamilla om å handla klede. Om at ho ikkje finn det ho vil ha i jentebutikkane, og at når ho prøver å handla i gutebutikkar ser folk på ho som ein idiot. Berre avdi ho ikkje vil kle seg ut som kjønn. Det er synd. Veldig synd.

På arbeidsplassen min står det i arbedskontrakta at me må kle oss normalt (mine ord). Med normalt meinar dei komfortabelt men ikkje på noko vis shabby, og det er jo greit. Det som ikkje er fullt så greit er at dei nok og meinar kjønna. Det er ikkje sikkert det hadde vore så veldig greit, for ikkje så snakka om akseptert, om eg hadde kome på jobben i gutedongeribukse og svart herreskjorte.

I motsetnad til Kamilla sitt kleskåp er kleskåpet mitt sterkt prega av mitt biologiske og sosiale kjønn. Eg har ein jobb der eg må kle meg kjønna og dessutan er eg songar, og om ein står på ei scene må ein i alle fall kle seg kjønna (medmindre ein har ein "bukserolle"). Stort sett er dette noko eg trivst med, men eg ville gjerne hatt mogelegheita til å velja sjølv. Då ville eg kanskje ha gjort noko annleis av og til.

Eg er litt uskikker på kvar eg vil med denne posten, då eg veit at dei fleste som les bloggen min i stor grad er einige med det eg prøver å få fram her, nemleg at kva ein gjer på, korleis ein kler seg, kva for aktivietar ein får tilbod om å vera med på burde vera opp til kva for person ein er, ikkje kva kjønn ein tilfeligvis er fødd med.

Til slutt vil eg uansett koma med ei oppfordring til "høgresida" (det er den etter side 38, heh) som jo etter eigne utsagn er velig opptekne av fridom. Engasjer dykk i feminisme, både i noreg og globalt (nokon av dykk gjer det alt). For til sjuande og sist er det fridom det handlar om. Fridomen til vera eit heilt individ, ikkje berre eit kjønn.

Crazy In Love

2006-12-14T21:18:00.000+01:00

(Det gjekk opp for meg at det kanskje ikkje er heilt lov å posta andre sin musikk, så for å vera på den sikre sida kallar eg musikken for): Æminæm med craisy in låv :p

Edit: Eg vil veldig gjerne takka Røverdatter for at ho hjelpte meg med musikkpostinga :)

Fakta:
-Minst ein femdel av alle norske kvinner kjem til å leva i eit valdeleg forhald i løpet av livet.
-Frå 1992 til 2005 vart 217 kvinner i noreg drepne av samlivspartnaren/ekspartnaren sin.
-I 2005 stod anslagsvis 1 900 personar bak 2 287 krisesenteropphald (av desse var 12 menn).

Amnesty International og Krisesentera

I det siste har eg sett ein del debatt kringom som i stor grad går ut på at (muslimske) invandramenn er valdelege, me må ikkje ta inn så mange invandrarar og me må for all del ikkje lata innvandrarane gifta sg med kvarandre, særskilt ikkje dei muslimske osb. Mitt poeng med denne posten er ikkja at invandrarmenn ikkje er valdelege, men at "norske" menn diverre er akkurat like ille. Problemet er altså ikkje invandring eller muslimsk "kultur" men generell mangel på respekt for kvinner som menneske/individ.

Vald mot kvinner generelt og vald i forhald særskilt er ikkje eit muslimsk problem, men eit globalt mannskulturproblem (for øvrig meinar eg at religiøs praksis, ikkje berre innanfor islam, ofte er ein del av dette mannskulturproblemet). Skilnaden på noreg og mange muslimske land er berre at med det rettsystemet me har her burde me i større grad vera i stand til å hindra vald mot kvinner, og å straffa dei skuldige.

Når norske menn drep partnaren sin avdi ho vil forlata han vert det i media som oftast kalla ein "familietragedie", og ein tragedie, det er det. Når ein "invandrar" , gjerne muslimsk, drep partnaren sin avdi ho vil forlata han kallar media det som oftast "æresdrap", og drap, det er vel alle einige om at det er. Men er det eigentleg skilnad på mekanismane som ligg bak når "norske" og "utanlandske" menn drep partnaren sin, og burde me kalla det ulike ting? Vert ikkje eigentleg det å undergrava problemet med at det fins norske menn som drep partnarane sine?

Eg tvilar sterkt på at norske menn vert så såra og vonbrotne at dei berre *må* drepa kjærasten/kona/sambuaren i affekt medan "ikkjenorske" menn vert så såra og vonbrotne av dei berre *må* planleggja eit kaldblodig drap på kona/kjærasten/sambuaren sin avdi ho vil forlata han. Eg trur at i begge tilfella ligg det det same ønskjet om å ha makt over ein person/eit liv og eit ønskje om å ikkje "tapa ansikt" bak. Eg trur det ligg like mykje "ære" bak når "etnisk norske" menn drepp partnaren sin som når "ikkje etnisk norske" menn drep partnaren sin. Korleis skulle ein elles forklara et det er ein om lag like stor del av norske menn som drep partnaren sin som det er i alle andre land. Er norske menn som drep partnaren sin meir sarte, følsomme og impulsive kanskje? Og er det i så fall ein grunn til å ta liv? Og kva med alle dei andre mennene, er ikkje dei sarte, følsomme og impulisve?

Eg greier ikkje å forstå på kva måte å nekta invandrarar å koma inn i noreg skal hindra vald mot kvinner. Om valden vert utført i noreg, somalia eller tyskland er jo heilt likegyldig. Valden vert likefult utført.

Eg greier heller ikkje heilt å sjå vitsen med å diskutera kven som er verst når det som burde vera viktig er å stoppa valden. Og eg greier VERKELEG ikkje å sjå korleis me kan hjelpa "muslimske" kvinner ved å nekta dei å reisa inn i noreg.

Å påstå at ein hjelper kvinner ved å begrensa invandringa til noreg er i beste fall idioti, men stort sett framandfrykt og rasisme.

Eg både burde og kunne ha skrive mykje meir, men merkar at eg ikkje orkar det akkurat no.

Ønsker De en ny og bedre figur?

2006-12-13T21:06:00.000+01:00

Eg og Anna har eigentleg eit slikt "Uadressert reklame. Nei takk!"-skilt på postkassa vår, så det er ikkje så ofte me får godbitar frå den bergenske handelstanden dumpande ned i postkassa, men i dag hadde det jammen snike seg inn ein liten, rosa lapp. Spanande.

Den rosa lappen kunne blant anna opplysa oss om at "Med bakgrunn i de hormonelle forandringene som oppstår pga kvinners livsyklus, har det blitt utviklet og skreddersydd et treningsprogram som tar hensyn til den enkelte kvinnes fasong, fysiologiske, anatomiske og hormonelle forhold. Dette for at kvinner skal kunne figurforme kroppen vår."

Altså; "Dette for at kvinner skal kunne figurforme kroppen vår." Hallo! Figurforma kroppane våre. Kva trur dei at me er eigentleg, leireklumpar? Uansett kan eg ikkje fatta og begripa kvifor ikkje kvinner skal kunna halda på med vanleg trening. Berre avdi me har utoverpuppar og mensen skal me liksom vera nøydde å ha spesialtilpassa trening? Og kva var grunnen til at kampsport, fotball, klatring, dans, yoga, bortoverski, nedoverski, volleyball, handball, aerobic, symjing, styrketrening og riding ikkje passa for oss kvinner sa du? Unskuld meg, men eg er ikkje laga av glas altså. Ikkje ser eg heilt grunnen til at eg skal driva og tenka på fasongen(!) min når eg trenar heller. Alvorleg tala.

Og livssyklus då. Me vert fødde, me vert tenåringar, me har oss, me vert vaksne, me har oss, me vert gamle, noko har seg, me døyr. På kva måte skil vår livssyklus seg frå mennene sin livssykuls? Hadde dei endå sagt menstruasjonssyklus...

Forøvrig vil eg tru det er ein fordel om dei som lagar reklame faktisk kan skriva korrekte setningar på norsk og. Men lat oss ikkje bruka tida på dårleg rettskriving/setningsbygging, for her står gullkorna i kø.

"En gang pr mnd får alle våre kunder en manuell antropometrisk test (kroppsmåling). Denne metoden er mer presis enn vanlig maskinell måling, fordi den utføres manuelt med kalypper og målebånd. Målingen blir tatt i kvinnens manstruasjonsfase.
Da måler vi bla fettfoldere, omkretser og muskelmasse på forskjellige steder på kroppen. Din fettprosent vil da bli et faktum."

Legg særskilt merke til at feittprosenten ikkje var eit faktum før målinga vart teken. Jah.
Uansett. "En gang pr mnd(...)" og "(...)blir tatt i kvinnens menstruasjonsfase." er noko som kanskje ikkje passar heilt inn i mi verd, og for all del, rett meg om eg tek feil, men er ikkje menstruasjonsfasen noko som langt i frå nødvendigvis er månadleg no i desse hormonelle prevansjonsmiddeltider? Gudane må vita at om nokon skulle ta mål av meg kvar gong eg hadde mensen hadde det i alle fall gått meir enn ein månad mellom kvar måling.

Kva tyder "antropometrisk"? Tyder det kroppsmåling (parantesen der oppe kan tyda på det), og i så fall, korleis kan ein sei at kroppsmåling er betre enn "vanlig maskinell (kropps)måling"? Om "antropometrisk" ikkje tyder kroppsmåling (eg trur ikkje eigentleg det er heilt korrekt?), burde ikkje dei ha brukt eit ord ein ikkje treng 5 års høgare utdanning for å forstå?

"Resultatet av kroppsmålingen, eventuelt skader, allergier og hva du som kunde måtte ønske å endre på din kropp, vil være grunnlaget for å lage en individuell trenings- og kostholdsplan til deg. "
Så om eg har eit gamalt brot i armen som har grodd litt feil eller mjølkeallergi kan eg på magisk vis endra det ved å trena "Shaping"? Neimen så flott då! Og om ein skulle føla for litt større puppar eller å verta 20 cm høgare så kan det og ordnast? Hurra! Shaping, here I come!
(Slik for ordens skuld kan eg opplysa om at eg verken ynskjer meg større puppar eller 20 cm ekstra, eg trives heilt fint med å vera som eg er.)

"Du kan da som kunde følge din egen progresjon i treningen, og det er veldig motiverende." Næh! Er det sant? Kan eg følgja min eigen progresjon i treninga? Det er det jo komplett umogeleg å gjera utan å følgja eit mongoprogram for å få "ukensFHMbimbo-kropp"...

Det er mogeleg eg er litt hard mot "Shaping" her, men ærleg tala så får eg litt følelsen av dette er ei treningsform som er utvikla utelukkande for å lura kvinner som er misnøygde med kroppen sin. Eigentleg vert eg litt dårleg berre av namnet "Shaping". Forming. Er ikkje det slikt plastikkirurgar driv med?

Det at ein skal trena for å forma kroppen sin etter eit skapt ideal og ikkje avdi ein likar det slår meg som heilt hårreisande. Det å påstå at kvinner liksom skal ha behov for særbehandling i treningssamanhengar er nok berre tull, og dessutan med på å opprethalda eit kunstig stort skilje mellom kjønna.

Ein fødes ikkje som kvinne, ein blir det.
-Simone De Beauvoir

Kompani Rouge

2006-12-10T22:01:00.000+01:00

Med fare for å framstå som ein rein reklameblogg vil eg informera om at Kompani Rouge har joleavslutting fredag den 15. klokka 19.00 heime hjå meg og Anna (jupp, no er me like ved å starta med utleige av leiligheita som festlokale).

Dessutan, på torsdag den 14. klokka 19.00 kan du høyra meg synga i eit jazzprosjekt med elevar på Griegakademiet. Litt usikker på nøyaktig kvar me skal vera, men kjem tilbake med romtilvising seinare.

Då snakkas me vel då :)

Tre ting og Ottar

2006-12-07T22:53:00.000+01:00

Eg er litt hyperaktivt glad for tida.

1. I går greide eg å fiksa den trådlause ruteren vår, så no har eg endeleg internett heima igjen. Det har eg ikkje hatt sidan eg kom heim frå Peru.

2. I dag prøvesong eg for operakoret i Bergen, og kom inn. Det er det langt i frå alle som gjer. I tillegg er eg eigentleg for ung og dei gjer berre unntak i særskilte høve :D

3. No nettopp var eg på Royal League-kamp. Brann-Rosenborg. Brann vann 3-2. Vi e Brann, Bergens stolthet, SK Brann Bergens Stolthet. Yeah!

*****

På fyrstkomande sundag klokka to har Bergen Ottar juleavslutting heima hjå Anna og meg. Alle som er venleg instilte til Ottar er velkomne. Me kan freista med gløgg, pekarkakebaking, mandariner og what not. Kom kom!
Om du ikkje veit kvar eg bur kan du senda ein e-post til raudstjerne krøllalfa hotmail dått com, eller møta opp utanfor Johanneskyrkja klokka 13.45.

Sjå hit!

2006-12-06T20:09:00.000+01:00

(Sånn for å dra ein klassikar frå "brevvenspaltene" i diverse blad for born.)

No har eg posta bilete frå Peru i reisebloggen min.

Det skal ikkje vera lett

2006-11-22T12:49:00.000+01:00

For tida har eg alt for mykje å gjera på og dessutan vondt i ryggen (mogeleg det er ein samanheng der ja).

Uansett er ikkje internettet heime veldig samarbeidsvilleg, så eg hadde ikkje kunna posta i bloggen om eg hadde tid/var i stand til det ei gong. Trur nok dei Telenorfolka skal få seg ein telefon ein dag.

So long.

2006-10-26T21:06:00.000+02:00

Norsk film og vaskemaskiner

I dag har eg vore og sett film på kino for fyrste gong på lenge. Med jobben faktisk. Dei observante lesarane mine lurar sikkert på kvifor eg ikkje var på kino under BIFF. Vel, det er ikkje altid ein får tid til alt. Dessutan var eg med teatergruppa mi og spelte på globaliseringskonferansen.

Uansett. I dag såg eg (den norske filmen) Fritt Vilt.

Fritt Vilt er noko så skjeldant som ein norsk fil med kvinneleg hovudrolle. Og ikkje nok med det, men dama er faktisk tøff og handlekraftig og. Hurra!

*****

Då eg skulle skriva meg på vaskelista på vaskeloftet i buretslaget i helga var det ingen nye lister, så eg skreiv på eit ark. I går var eg opp og sjekka, då var det endå ikkje kome nye lister. I dag, då eg skulle opp å vaska klede, hadde det kome ny liste, og nokon hadde teke vasketida mi. Fyttikatta! Eg skal vekk i helga og kl 06.30 på mandag skal eg ta fly frå flesland til Peru. Av og til (eller ganske ofte eigentleg) vert eg så sur. Grr.

Som sagt skal eg til Peru, så då vert det stille her eit par veker før eg vender attende. Medan eg er i Peru kan dei som vil følgja med på reisebloggen min.

Flink pike, snill pike.

2006-10-25T21:21:00.000+02:00

Flink pike.

Har du hatt full dag på skulen, vore på jobb, gjort alle leksene teke nokre telefonar for lokallaget i oranisasjonen du er med i og vaska opp? Føler du likevel at om du berre hadde prøvd litt hardare hadde du fått tid til å setja på og henga opp ei vaskemaskin, rydda i bokhylla, teke den kaffen med ho du ikkje har sett på lenge og å skriva ein lang post om kvinnerollar innan opera?
Får du dårleg samvita om songtimen og møtet du burde ha vore på krasjar? Seier du "eg kan sikkert gjera det eg", sjølv om du veit du ikkje har tid. Synes du at du er lat om du søv meir enn sju timar om natta samtidig som du får dårleg samvit for du veit du ikkje søv nok?
Gratulerar. Då lid du av flink pike-syndromet.

Mange, ikkje alle, jenter lid av flink pike-syndromet. Det ligg litt i kjønnsrolla vår. Me skal vera flinke, hjelpsome og pliktopfyllande. Helst utan å kreva noko tilbake. Flinke piker er lette å utnytta. Det er berre å sei "kan ikkje du gjera det du som er så flink", og så seier jenta som lid av flink pike-syndromet ja. For ho kan jo ikkje skuffa folk.

Flink pike-syndromet byrjar ofte å gjera seg gjeldande i tenåra. For nokre går det over, medan andre må slita med dårleg samvit for alt dei kunne ha gjort heile livet.

Tidlegare prøvde eg å gjera alt altid. Om eg ikkje fekk tid til alt, ikkje kunne hjelpa alle, ikkje øvde nok, ikkje sov nok, ikkje jobba nok, tenkte eg at eg var lat og dum og ubrukeleg. At eg måtte ta meg saman. Det fungerte det. Ei stund. Det er framleis slik at om nokon seier at eg er flink, at dei treng akkurat meg, så hoppar eg når dei seier hopp. Jobbar overtid i staden for å øva og sjå film.

Snill pike.

Snille piker kler seg pent og passande. Hugsar å nappa augnebryna. Smiler overberande i staden for å slå neven i bordet når mennene på jobb kjem med sexistisk møl ved lunsjbordet. Ser beklemt ned i golvet i staden for å reagera når den ekle mannen på byen grafsar tak i rompa. Slepp andre til, brukar i alle fall ikkje hersketeknikkar, sjølv om andre brukar dei på ho.

Slitne feministar vert av og til snille piker. Snill pike-syndromet byrjar ofte å gjera seg gjeldande i tjueåra, eventuelt når ein "etablerar seg". Ofte varar det livet ut, av og til går det over når borna vert vaksne.

Tidlegare kledde eg meg aldri pent berre på grunn av av at det var passande. Eg smilte aldri overbærande, eg slo neven i bordet. Skjelte ut den ekle mannen. Var stor i kjeften. Altid.

Det siste året har eg vorte snillare. Smilt overbærande. Ignorert idiotane. Kledd meg pent. For ei stund lurte ei veninne på om eg ikkje var redd for at folk ikkje ville ta meg seriøst om eg klipte hanekam igjen, eg tenkte at ho kanskje hadde eit poeng.

Rebel girl.

Då eg starta denne bloggen var det mest for å vera sint feminist. I 2006 er det framleis slik at jenter og gutar vert møtt med ulike forventingar. Gutar vert sett på som engasjerte, jenter som meg vert sett på som masete kjerringar. Gutar spelar i band, jenter i jenteband. Gutar skal lika fotball, jenter "shopping".

Vel. Guess what. Eg hatar føkkings "shopping", å "shoppa" i meir enn 20 minuttar samanhengande gjev meg valdelege tendensar, kanskje med unnatak av på platekompaniet og i bokhandelen. Å sitja i ro og halda kjeft berre ligg ikkje for meg.

Eg vert så j*** provosert når folk prøver å tilleggja meg eigenskapar berra på bakgrunn av at eg er kvinne.

Då eg melde meg inn i Ottar for ei stund sidan vart det for at eg følte at eg/me ikkje kom nokon meg med pusefeminismen. Å sitja i ro på møte og be pent om å få lov til å vera med å styra litt funkar berre ikkje. Kvinner fekk ikkje stemmerett eller rett til abort ved å spørja pent og blafra litt med augnevippene.

Eg nektar å vera flink pike lenger, eg nektar å verta snill pike, og oppfordrar alle andre til å gjera det same.
Have fun.

Rebel girl, rebel girl
Rebel girl you are the queen of my world

Bikini Kill -Rebel Girl

KompaniRouge

2006-10-17T19:29:00.000+02:00

Sjekk ut sida til KompaniRouge!

Granskog

2006-10-16T17:12:00.000+02:00

For ei stund sidan (i vår) hadde eg og Signe, som eg vanlegvis bur saman med (no er ho i Peru), ein diskusjon om grantre. Eller rettare sagt om utbreiinga av grantre i Hordaland og korvidt dei fins naturleg her.

Korleis me kom inn på dette emnet er eg litt usiker på, men me snakka nok om landbrukspolitikk generelt og skogbruk spesielt og/eller miljøpolitik.

Som mange kanskje (ikkje) veit kan ein få støtte til å planta skog i noreg. Deriblant grantre. Om det er lurt å gje støtte til planting av granskog på generell basis er diskutabelt, då miljøet i tett granskog ofte vert svært surt (ikkje surt som i grettent, men som i låg pH-verdi), og på stader der det ikkje fins granskog i utgangspunktet kan dette få store konsekvensar for økosystemet.

Det er her me kjem til kjernen av strida. Eg sa nemleg at i min familie (eg er frå grad) har me altid vore flinke til å planta ny skog etter kvart som me høgg. Signe lurte då på om me planta ny granskog, noko eg svara bekreftande på.
Det synes ikkje ho var så lurt, for på vestlandet fanst det ikkje granskog i utgangspunktet, den som fins her no vart planta etter andre verdskrigen for å auka tilgjenget på tømmer. Det fungerte heller dårleg då det viste seg at kvaliteten på tømmeret ikkje vart så bra i det fuktige kystklimaet. Diverre trivst granskogen forøvrig godt her, og spreier seg fort.

Signe har vanlegvis rett når ho snakkar om miljø og slikt, så eg tvilte ikkje på at det ho sa stemde, for øvrig var eg heller ikkje i tvil om at trea me høgg i skogen vår på Voss er langt meir enn 50 år gamle.
Korleis kunne dette henga saman?

Eg fann ut at dette måtte eg finna ut av (ja, slike ting interesserar meg) så eg spurde leiaren i Voss Bondelag om saka (ikkje like imponerande som det høyres ut som, då det er min pappa).

Han hadde sjølvsagt forklaringa.
Det Signe sa stemmer det, men, og det er eit stort men her. Voss er nemleg ein av svært få stader i Hordaland (på vestlandet?) der det fins store mengder naturleg (ikkje planta) granskog, og der dessutan tømmeret held relativt høg kvalitet. Grunnen er blant anna klima og geografi. Voss ligg om lag 60 meter over havet (nei, Voss er ikkje på fjellet, men det fins fjell på Voss). Mellom Voss og kysten er det høge fjell, difor er det innlandsklima og ikkje kystklima på Voss.

Berre for å verkeleg bevisa over einkvar tvil at eg har rett skal eg leggja ut biletbevis.

Det er eg som står ved sida av trea. Eg er 183 cm høg. Desse trea er minimum 40 cm i toppen (altså den tynnaste enden). Desse trea er ikkje berre 50 år gamle. Muligens ikkje det mest sjarmerande biletet av meg, men det var dette eg hadde, elles måtte eg klippa av besteforeldra mine på eit anna bilete.

Om noko har lyst kan dei telja årringane i treet. Årringar er dei sirklane de kan sjå frå midten og utover. Det vert ein ny sirkel kvart år.

Til slutt legg eg ut eit bilete av ei skogsmaskin framfor skogen.

Om du les framleis, sei "kake" i kommentarfeltet :)

Testing, testing, ein, to, tre

2006-10-10T23:32:00.000+02:00

Så var internettet altså tilbake.
Alt som trengdes var ein meir smarbeidsvillig telenorperson, ip-adressa til modemet (det er det ein kallar det?) og passordet som stod på arket me fekk ei gong i fjor sommar. Jah! Neste gong kan eg fiksa problemet sjølv.

Sidan eg likevel er i "skriva meiningslaus post" modus tenkte eg at eg skulle prøva om blogger har vorte kvitt hikken sin på bileteopplastingsfronten.

Biletet er altså av og med meg. Teke i Praha i sommar, sånn ca midt på natta. Akkurat passeleg gjennkjenneleg for folk som kjenner meg, akkurat passeleg diffust til at folk som ikkje kjenner meg ikkje skjønar kven eg er om eg går forbi på gata.

Av og til

2006-10-10T12:52:00.000+02:00

vert eg så sur.
Det er noko gale med internettet heime, så eg får verken kobla meg til internett med datan ELLER brukt ip-telefonen (ip-telefonen er Anna sitt verk), så då må eg ringa telenor frå jobb, for å ringa frå mobil er jo dødyrt. Meeeen, når eg ringer frå jobb kan eg jo ikkje sitja og sjå på modemet for å sjå kva som blinkar/lyser på det, så då kan dei visst ikkje gjera nokon ting.
Dessutan stiller dei masse dustespørsmål av typen "har du prøvdt å kobla datan direkte til modemet?", "har du prøvd å slå av og på modemet". Ja, for f***. Eg er jo ikkje SÅ inkompetent heller då.
Dustetelenor.
Grrr.

Ikkje får eg betalt rekningar, ikkje får eg sjekka e-post (bortsett frå at flinke meg greide å omgå filteret på jobb i dag og kom meg inn på gmailen, hurra) eller nokon ting. Huff.

Hups!

2006-09-12T23:30:00.000+02:00

Greide å føkke det opp då eg prøvde å pinga bloggrevyen, så no skriv eg dette, for å få pinga mitt superbra innlegg ei gong til.

"Veit du kven dette er?

Ikkje?
Dama på hundrelappane heiter Kirsten Flagstad, og er saman med Ibsen, Munch og Grieg ei(n) av dei mest kjende nordmennene (kvinnene) i utlandet nokon sinne.

Ho er ei av tidenes største operasongerinner og vert av mange rekna for å vera songaranes dronning, århundrets stemme, verdas mest dramatiske sopran og sist men ikkje minst den største Wagner-songerinna nokon sinne. Med andre ord, ho var nokon du burde kvita kven er."

Les resten her.

Veit du kven dette er?

2006-09-12T21:47:00.000+02:00

Ikkje?
Dama på hundrelappane heiter Kirsten Flagstad, og er saman med Ibsen, Munch og Grieg ei(n) av dei mest kjende nordmennene (kvinnene) i utlandet nokon sinne.

Ho er ei av tidenes største operasongerinner og vert av mange rekna for å vera songaranes dronning, århundrets stemme, verdas mest dramatiske sopran og sist men ikkje minst den største Wagner-songerinna nokon sinne. Med andre ord, ho var nokon du burde kvita kven er.

Kirsten Flagsad vart fødd i Hamar 12 juli 1895.
Familien var musikalsk, mora var songlærar og pianist og faren var dirigent. Ho fekk sine fyrste songtimar av mora. Seinare studerte ho i noreg og sverige. I 1913 debuterte ho på Nathionaltheateret. Fram til 1932 song ho for det meste lyriske sopranrollar i sverige og noreg.

I 1932 tok ho på seg rolla som Isolde, og det viste seg at det var i meir dramatiske rollar semma hennar verkeleg kom til sin rett. På dette tidspunktet nærma ho seg 40 og hadde allereie vurdert å pensjonera seg (karriera som klassisk songar er vanlegvis ikkje lang). Slik skulle det ikkje verta.

Føremiddagen 2 februar 1935 debuterte ho som "Sieglinde" i "Die Walküre" på the Metropolitan i New York (verdas mest kjende operascene, den alle dei klassiske songarane drøymer om ei gong å stå på), dette vart hennar internasjonale gjennombrot.

Dei neste 20 åra hadde ho utallege hovudrollar på the Metropolitan og resten av verdas store operascenar. Det vert til og med hevda at ho redda The Metropolitan frå økonomisk samanbrot. 1. april 1952 hadde ho si siste opptreden på the Metropolitan, og i 1953 tok ho for siste gong del i ei operaoppsetjing, som "Dido" ved the Mermaid Theatre i London. Då var ho godt over 50, ein formidabel alder for ein opersongar.

Frå 1958-60 var ho den fyrste sjefen ved Den Norske Opera.

Til trass for ein strålande karriere og tilsynelatande nesegrus beundring frå alle gjekk ikkje ting altid like greit. I tida etter andre verdskrig måtte ho tola mykje kritikk for sin andre ektemanns handel med tyskarane under krigen, sjølv om ho sjølv altid hadde gjort eit poeng av å opptre i "nøytrale" land som Sverige og Sveits.

Etter kvart betra ting seg likevel, og då ho døydde 7. desember 1962 var ho igjen ein internasjonalt anerkjend kunstnar. Ho arbeidde med musikk heilt til det siste.

Då eg skreiv dette brukte eg blant anna desse artiklane på wikipedia, denne på imdb og denne her.

Dersom du vil sjå autentiske kostyme kan du gå på Flagstadmuseet i Hamar. Som ein kuriositet kan eg jo nemna at der har eg opptredt, til og med sunge feil (berre ein tone, og det var feil, ikkje falskt), men dog.

Hjelp!

2006-09-11T22:18:00.000+02:00

No skulle eg leggja ut eit bilete, men blogger vil ikkje lasta det opp. Eg har prøvd med to ulike nettlesarar (som begge har verka heilt fint før) og det er ingenting i vegen med nettilkoplinga mi. What to do?

Er dette noko andre som brukar blogger har hatt problem med i det siste?

Jentefronten

2006-08-29T22:20:00.000+02:00

To veldig flinke unge jenter har starta opp Jentefronten i bergen. Jentefronten er altså greia for deg som er feminist (og helst under 20 då), men som ikkje nødvendigvis har lyst til å verta med i SU eller RU. Sjølvsagt kan du vera med sjølv om du er med i SU eller RU og ;)

Oppstartsmøte på onsdag klokka seks (om kvelden ja), møt opp ved sjøfartsmonumentet.

I'm back!

2006-08-07T23:07:00.000+02:00

Det har eg vore ei stund faktisk, men grunna bananfluger og diverse anna har eg ikkje fått somla meg til å skriva noko her før no.

Eigentleg hadde eg tenkt å skriva noko om den avskyelege valdtektsdebatten som eg har vore så heldig å gå glipp av, men det er det så mange som har gjort før meg, så eg trure eg nøyar meg med å sei ein ting.

Det er menn som valdtek. Ikkje kvinner. Ergo er valdtekt eit manneproblem, ikkje eit kvinneproblem. Eg synes det er på høg tid å mennene får ut fingrane og får GJORT noko med dette problemet, i staden for berre å stå der og sei at EG, som er KVINNE, bør ta på meg burka om eg har lyst til å gå utanfor døra. Det er faktisk ikkje eg som er problemet her.

For øvrig har eg då vitterleg sagt noko om dette før.

Eg er paa ferie altsaa...

2006-07-11T14:25:00.000+02:00

... eg kjem heim i august.
Foer det er det eigentleg ikkje vits i aa lesa her. Om eg var deg ville eg heller ha sjekka ut reisebloggen min.

Kom og sjå!

2006-06-19T12:01:00.000+02:00

Mi veninne Mari og ei som heiter Beret har starta ein kulturstafett til støtte for dei sveltestreikande Afghanarane og i dag skal eg synga på den. Så møt opp klokka 19.00 ved domkyrkja (i Oslo) alle saman!

Du kan skriva under på oppropet mot utsending her og besøka den offesielle nettsida her.
Ellers har Tiram skrive masse om sveltestreiken.

Siste post

2006-06-14T17:10:00.000+02:00

på ei stund.
I morgon klokka ti over fire (om ettermiddagen) set eg meg på toget. Då skal eg vera vekkreist heilt til 1. august.
I fyrste omgang skal eg ikkje så langt, men eg set igjen dataen min heime, så det vert nok så som så med oppdateringane. Dessutan vil eg heller prioritera å oppdatera reisebloggen min medan eg er på tur.

Men altså, den fyrste veka i august er eg tilbake, så då er det berre å byrja å følgja med på "guris gale verd" igjen... :D
Skriv det opp i kalendaren ;)

Edit: Er det berre eg som har hatt problem med blogger dei siste dagane, eller...?

Trykk her

2006-06-13T17:03:00.000+02:00

6.6.6

2006-06-06T23:55:00.000+02:00

I dag er det den kulaste datoen i dette årtusenet.
Dyrets dag.

Eg skulle eigentleg på konsert, med Octavia. Eg har aldri høyrt dei, men ryktet seier dei er bra. However, det var ingen som kunne vera med, og eg er uansett så trøyt at eg nok heilt fint hadde fått til å sovna under bråkemusikken. Så...

Tilværet er mildt sagt kaotisk for tida. "Alle" driv på og flyttar, eller har eksamenar. Sikkert halvparten av folka eg heng med til vanleg skal på utveksling det neste halve året, og sidan eg reiser snart sjølv er eg nøydd til å seia "ha det bra" til alle saman akkurat no.

Som om ikkje det var nok driv mine to betre tredjedelar og på og flyttar, så leiligheita ser "litt" bomba ut for tida. Dessutan har eg drive på med å leita etter nokon andre som kan flytta inn på det ledige rommet (det var for så vidt eigentleg ikkje så vanskeleg).

Så, for å oppsummera. Eg reiser om ei veke og har eigentleg ikkje planlagt ein dritt (og eg skal ikkje berre på interrail), huset ser bomba ut fordi Signe og Ranveig flyttar, eg sit i ein valkomite med ei meir eller mindre håplaus oppgåve (neidå, det ordnar seg no), eg har altfor mange eg må ta ein avskjesøl med på altfor kort tid og eg MÅ bli ajour på jobben for å få lov å avspasera den siste dagen før eg reiser.
*sukk*

Altså stressa, men still going strong!

Reisetips 2

2006-05-29T19:39:00.000+02:00

Og så var det altså på tide med meir reisetips. Til meg denne gonga og ja.

Berre at no lurar eg ikkje på kvar eg skal men kva eg skal ha med meg. Ikkje sånn heilt basic då, til og med eg skjønar jo at det er lurt å ta med reine truser, men litt meir sånne ting som er lurt å ta med men som ein kanskje ikkje tenker på. Til dømes har Signe tipsa meg om at det kan vera lurt å ha med ein liten hengelås, for det er ikkje alle oppbevaringsboksar som er utstyrt med det altid...

Dessutan lurar eg litt på dette med sko...
Eg skal jo "leva i sekk" ei stund, og i så måte hadde det vore kjekt om eg kunne greia meg med berre eit par sko så vert det litt mindre å dra på (og dessutan slik at eg har litt plass og vekt å gå på om eg skulle finna dei kulaste skoa, eller noko anna, i løpet av turen). Det set jo visse krav til skoa om komfort og kvalitet. Rett og slett ting eg veit svært lite om når det kjem til sko.
Når eg kjøper sko brukar pris og utsjånad å vera viktigast (dette er for såvidt viktig no og). Eg har tenkt at kanskje joggesko eller sandalar kan vera bra. However, det slår meg at ingen av delane vil gjera underverk for "imaget" mitt. Så då er spørsmålet mitt, veit nokon om bra, fine (gjerne svarte), ikkje altfor dyre sko som eignar seg for interrailing?
(Ikkje det nei. Tenkte meg det. Jaja. Då vert det vel det vanlege...)

Dette ligg an til å verta den mest uinteressante posten i bloggen min til no, føler eg. Vel, de får bæra over med meg.

Jupp. Dette er altså den store "ting ein treng på tur" posten min.
Neste ting på lista er digitalkamera. Dette har eg ikkje frå før (eg har berre fem filmbaserte kamera i staden liksom). Signe har sett på dette kameraet (biletet er av feil kamera og i feil farge, men de skjønar teikninga), og eg lurar på om det ikkje er tingen for meg og. Billeg men likevel nok pixlar til at bileta vert brukande. Så, er det nokon som har prøvd det før? Er det bra? Eller burde eg kjøpa eit anna?
Hm...

Til slutt kan eg jo melda at eg har tenkt å laga meg ein reiseblogg. Mest avdi tilfeldig familie og vener skal sleppa å lida seg gjennom ørti postar om kriminalisering av horekundar, landbruk og Trondheims geografi, men og litt avdi eg synes det vert ryddigare slik. Eg er litt systemfrik av og til. Eg skal sei frå når reisebloggen er laga.

Eg skal reisa i den raude og den mørkast grøne sona.

Reisetips

2006-05-21T22:56:00.000+02:00

Ikkje til dykk, men til meg altså.

I sommar skal eg på interrail. Eg skal reisa aleina med ein sånn billett som varar i 22 dagar. Landa billetten gjeld for er Danmark, Tyskland, Sveits, Østerrike, Polen, Tsjekkia, Slovakia, Ungarn, Kroatia, Bosnia og Herzegovina. Eg vil prioritera kvalitet framfor kvantitet, så eg er ikkje innom alle landa. Eg skal reisa i juli.

Eg skal byrja i Budapest. Eg vil i alle fall innom Praha, og har høyrt at kysten av Kroatia er fin om sommaren. Ut over det har eg faktisk ikkje så mange konkrete planar.

Så, det eg lurar på er: Kvar burde eg reisa? Kva burde eg få med meg. Kvar er det fine muse og bibliotekt, fin arkitektur, solfylte strender som ikkje er overfylte av turistar, kjekke marknadar og liknande? Sidan eg reiser aleine MÅ eg ha ok plassar å sova, så veit nokon om ok hostel/ungdomsherberg rundt om kring? Eg vil helst bu billeg, det går greit om verdisaker ikkje nødvendigvis er trygge der eg bur berre eg er trygg sjølv.
Kjenner nokon hyggeleg folk rundt om kring som kanskje vil visa meg byen/staden dei bur hadde det og vore kjekt.
Om nokon tilfeldigvis skal ut å reisa i same område samtidig kan me kanskje utveksla nummer og kanskje møtast?

Alle tips mottas med takk, antan som ein kommentar eller på e-post.
Min e-post er raudstjerne krøllalfa hotmail punktum com.

Rike bønder og flygande grisar...

2006-05-16T22:46:00.000+02:00

...om lag like realistisk

Noregs Bondelag og staten har i dag vorte einige om ein jordbruksavtale som inneber at bøndene får ein lønsauke på 6%, med andre ord om lag 14 000,- i året pr. årsverk. Eit årsverk i landbruket er om lag 230 000,-. Rik av å vera bonde? Neppe.

For å samanlikna litt løn. I flgje ssb.no er gjennomsnittleg månadsløn for ein ansett pr. 3. kvartal 2004 28 300,- kroner. Altså ei årsløn på om lag 340 000,-.
Igjen, rik av å vera bonde? Neppe.

Noregs Bonde og Småbrukarlag trekte seg frå forhandlingane i dag klokka 16.00. Dei syntes at staten gav for dårlege økonomiske rammer, og at dei dessutan la opp til eit meir industrialisert landbruk.

"Forhandlingsutvalget i Norsk Bonde- og Småbrukarlag beklager at det ikke var mulig å komme fram til en forhandlingsløsning med denne regjeringen. Størrelsen på den økonomiske rammen og de manglende strukturelle endringene i virkemiddelbruken i statens forslag er i sum av en slik karakter at Forhandlingsutvalget i Norsk Bonde- og Småbrukarlag ikke kan ta ansvar for den landbrukspolitikken som denne regjeringen ønsker å føre."

I Soria Moria erklæringa sa dei raudgrøne at dei ville følgjande:

Sikre utøvere i landbruket inntektsutvikling og sosiale vilkår på linje med andre grupper
Sikre et landbruk med variert bruksstruktur over hele landet

Vel, eg har følgjande spørsmål.

Sikra utøvarane i landbruket inntektsutvikling og sosiale vilkår på lik linje med kva for ei anna gruppe? Sosialklientane? Ufaglærte Rimiansette?
Korleis har dei tenkt å sikra eit landbruk med variert bruksstruktur over heile landet når dei legg opp til at berre store bruk skal greia seg økonomisk og det berre er eit fåtal av fylka i landet vårt som er eigna til å driva store bruk i?

Når dette er sagt burde eg kanskje nemna at dette er det beste jordbruksoppgjeret på ei stund. Skjønt, det understrekar vel på ein måte poenget mitt.

Og så må eg berre få sagt at sjølv om bønder og Rimiansette har same årslønn har bøndene veldig mykje dårlegare timeløn...

Om lag like smart som ein gjenomsnittleg politikar?

Kriminalisering av horekundar

2006-05-13T14:42:00.000+02:00

eller "ikkje faen, nok er nok, nei til sal av kjønn og kropp!"

Dei siste dagane har norske aviser skrive mykje om kriminalisering av horekundar i samanheng med at blant anna politimester Roger Andresen i Oslo har gått ut i media og sagt han er for . I og med at eg synes dette er ein viktig debatt tenkte eg at eg og skulle skriva noko.

I bergen er det meir eller mindre umogeleg å gå bortover strandkaia ein kveld utan å verta sjikanert av menn som trur du er til sals om du er jente. Sidan det i noreg pr. dags dato er lov å kjøpa sex, og dei fleste som sel sex er kvinner trekk mange menn den konklusjonen at alle kvinner er til sals. Dei reduserar kvinna til ei vare, ein kropp, dei kan kjøpa. Er det greit?

Mange seier at dei prostituerte har valt "yrket" sitt sjølve. I noreg er svært mange prostituerte ulovlege innvandrarar som har valet mellom prostitusjon eller å verta sendt tilbake dit dei kom frå. I noreg er svært mange prostituerte rusmissbrukarar som har valet mellom å selja kroppen sin og å rana eldre damer på gata for å skaffa pengar til livets opphald. Har dei eit reelt val?

Mange argumenterar mot kriminalisering med at prostitusjonen vil "gå under jorda" og verta usynleg for politiet og at dei prostituerte vil verta usynlege for hjelpeaparatet. Er horekundane smartare enn politiet og hjelpeapparatet, for dei må jo og finnna dei prostituerte?

Mange argumenterar for prostitusjon med at det berre handlar om heilt vanleg kjøp og sal av tenester. Ville dei synest det var ok om deira eigne dødtrer var prostituerte?

Som dei fleste nok har fått med seg lever me i eit rimeleg kapitalistisk samfunn. I eit kapitalistisk samfunn er det markedskreftene, altså tilbod og etterspurnad, som rår. Innanfor prostitusjon er det horekundane som skapar etterspurnaden og dei prostituerte som står for tilbodet. Om ein kriminaliserar horekundane og politiet følgjer opp lovene kan ein redusera, og på sikt, fjerna etterspurnaden. Ingen etterspurnad = ingen marked.

Kriminalisering er sjølvsagt ikkje heile løysinga. Samtidig som ein kriminaliserar horekundane må ein skapa eit alternativ for dei prostiuerte kvinnene. Kvinner som har vorte utsett for trafficing må få opphaldstilatelse og jobb. Rusmissbrukarar må få behandling og hjelp til å greie seg.

Så lenge kjøp av sex er lovleg er likestilling umogeleg. Prostitusjonen er med på å oppretthalda synet på kvinner som noko menn "har rett på" og kan kjøpa, synet på kvinner som ei vare. Prostitusjon rammar ikkje berre dei prostituerte, men alle kvinner. For om "Per" kan kjøpa prostituerte "Gitte", kvifor skal han ikkje sjå på alle andre kvinner som ei vare og?

Eg er ikkje ei vare. Eg er ingen kropp du kan kjøpa og selja. Eg er ein person, eit individ, med tankar og følelsar. Det er alle andre kvinner og. No er det på tide å byrja å behandla oss som det og. Kriminaliser horekundane!

***

Katarina og Trude har og skrive om kriminalisering.
Om du vil lesa noko av det avisene har skrive om kriminalisering i det siste kan du til dømes bruka dette søket.

Det er sommar...

2006-05-08T23:59:00.000+02:00

...og i og med at det er eit år sidan sist (minst, sommaren i fjor var jo ikkje så mykje å skryta av) er eg litt euforisk. Eg kjem sterkt tilbake når eg vert lei av pollenallergien eller eventuelt det byrjar å regna igjen. I mellomtida skal eg vera ute i sola (eller skuggen som det og vert kalla, kan jo ikkje spolera mi kvite hud må vita) og oppfordrar alle andre til å vera det same :)

1. mai

2006-05-03T23:39:00.000+02:00

Eg har dessverre eit heilt vannvittig søvunderskot for tida, og er nøydd til å prioritera soving framfor blogging. But I'll be back!

Uansett kan eg jo prøva meg på ei aldri så lita oppsummering av 1. mai sånn i og med at eg allereie skriv no :p

Dagen byrja med ei litt stressa Guri som måtte dusja, eta og skriva appell før eg gjekk avgårde til RU/RV kontoret* for å møta teatergruppa mi, RØD!. Sånnn i og med at eg likevel var der joina eg 1. mai-frukosten. Very nice.
Etter frukost og siste-liten orging med teatergruppa bar det avgarde til vågsallemeningen der eg heldt appell om Ta Natta Tilbake**.
Etter endt appell var det klart for teatergruppestunt. Anna gjekk på stylter, hadde på seg dress, hatt og dollarteikn, ho var kapitalen. I band hadde ho alle oss andre som var media, ytringsfridom, håp, kjærleik og Jonas Gahr Støre (humoristiak innslag jah). "Alle me andre" hadde kvite masker på oss. Stuntet gjekk utruleg bra og fekk veldig mykje (positiv) merksemd. Me var nok dei mest fotograferte folka i bergen den dagen.
Det var bilete av oss iblant anna BA (men eg finn det ikkje på nett).
Etter mange timar på beina i band, gjekk me på kafe Kaffan og åt mais og kake. Det var det siste eg åt den dagen...

Etter endt kakeeting vart eg med Anna heim for å sjå dagsrevyen i tilfelle me var med. Det var me ikkje. *sukk* Jaja.
Det var sånn om lag då eg fann ut at det hadde vore fint å gå og ta ein øl med diverse kameratar. Som sagt så gjort. Eg treng vel kanskje ikkje nemna at med fint lite anna enn frukost innabords vart jo det ei festleg oppleving. Uansett var eg heime og i seng til klokka var rundt tolv.

Alt i alt hadde eg ein strålande dag. Veret var fint, appellen og teatertingen gjekk fint og alle var blide, hyggelege og snille.
Konklusjon: Det er veldig mykje kulare å vera ung og vakker sosialist enn litt treig Fpuar. (Fpu hadde "motdemonstrasjon" mot 1. maitoget. Dei var ti stykk. Maks. Nokså festleg eigentleg.)

*Teatergruppa er partipolitisk uavhengig. Men både SU og SV og RU/RV har vore så elskverdige å stilla lokale til disposisjon for oss. Takk:)

**Meir info om Ta Natta Tilbake kjem når planane er klare.

Vil du sjå meg IRL?

2006-04-30T21:47:00.000+02:00

Då er det berre å møta opp på Vågsallmeningen klokka 13.00 i morgo....
Ja, namnet mitt er verkeleg Guri.

Ta Natta Tilbake!

2006-04-29T11:35:00.000+02:00

Denne teksten står på trykk i det nyaste nummeret av Hordaland SU sitt blad, Aktivisten. Så snart den kjem på nett i pdf format skal eg laga ei lekkje.

“Tenk deg om, gå ikke alene om du kan unngå det, gå for all del ikke på mørke steder med lite trafikk og bruk heller penger på en drosje enn å gå hjem alene.”
Dette er kva avdelingssjef Tove Lian Mathiesen ved person- og voldsavsnittet i Hordaland politidistrikt sier til unge jenter i ei sak i BA om overfallsvaldtekter.

I følgje statistisk sentralbyrå vart det i 2005 anmeldt 798 valdtekter. Mørektala er sansynlegvis store. Rundt 75% av dei anmeldte veldektene vert henlagde, mindre enn 10% av dei anmeldte sakene endar med straffereaksjonar.

At Tove Lian Mathiesen ber unge jenter vera varlege er vel lurt, eller er det verkeleg det? Det som hender når autoritetar som Tove Lian Mathiesen gjev jenter råd som det ovanfor er at ho indirekte seier at om du ikkje tek taxi heim kan du skulda deg sjølv. Ho seier at det er jenter sitt ansvar å passa på å ikkje verta valdtekne. Valdtektsforbrytarane er det ingen som nemner med eit ord...
Det ho heller ikkje nemner er at sjansen for å verta valdeken er større på festen du forlet enn på den mørke vegen heim. Ho nemner heller ikkje at i dei aller fleste valdteketer vert utførde av nokon offeret kjende frå før. Så klart ho ikkje nemner det. Då måtte ho jo ha råda oss til å låsa oss inne på romma våre og aldri snakka med nokon meir, og det vert jo rett og slett for dumt.
Be jenter begrensa fridomenn sin på grunn av eit ein del menn ikkje har det heilt godt med seg sjølve, liksom. Haha.
Men vent! Er det ikkje nettopp det ho ber om når ho seier jenter bør ta taxi heim? Er det ikkje nettopp det ho ber om når ho seier at me ikkje kan gå i mørke gater, for då kan me takka oss sjølve? Jovisst er det det. For om eg ikkje kan gå heim men må ta taxi, så har jo eg eit valalternativ mindre. Då har jo eg fått mindre fridom. Om eg høyrer på råda til Tove Lian Mathiesen har eg gått med på at jenter kan skulda seg sjølve.

Når Tove Lian Mathiesen legg alt ansvaret over på jentene seier ho samtidig at det er ok om andre tek mindre ansvar. Mennene som valdtek for eksempel. Kvifor skulle ein vel be dei ta ansvar? Dei er jo berre nokre stakkarar fullstendig styrte av sine lyster. Om dei så mykje som ser konturen av ein kvinnelegg går dei heilt av skaftet og berre må ha seg, og om dama i tiollegg er berusa er det jo så vanskeleg å vita kva ho eigenetleg meinar når ho hyler nei... Klart dei ikkje kan stillast til ansvar. Huff, det kan ikkje vera lett å ha utovertiss. Rart at dei fleste gutar heilt fint greier å lata vera å valdta likevel eigentleg... Dei må vera supermenn...

Å ta eit nei for eit nei.

Nei tyder nei.
Ikkje no tyder nei.
Dra til §!#$% tyder nei.
Eg likar deg godt, men... tyder nei.
Kan me ikkje berre sova? tyder nei.
Stille tyder nei. tyder nei.

Å ikkje ta eit nei for eit nei er valdtekt...
...Bortsett frå i rettsalen. I 2002 vart ein 20 år gamal mann frifunne for valdtekt av ei då 17 år gamal jente i retten. Dette til trass for at retten erkjende at mannen hadde valdteke jenta, ho hadde berre ikkje protestert nok. Jenta hadde grinande sagt nei og bedt mannen lata vera.
Nei, det er klart, er ikkje lett å skjøna at nokon som grin og seier nei kanskje ikkje vil ha sex med deg... At det nok er endå mindre lett å vera jenta som vart valdteken og no sit igjen med “skulda” sidan ho ikkje sa “klart nok” frå er det ingen som tenker på.

Nok er nok!

Heldigvis er det ikkje alle som er einige med Tove Lian Mathiesen & co.
I bergen har folk frå mange ulike organisasjonar gått saman i Ta natta tilbake. Ta natta tilbake er eit initiativ som kjempar for kvinner sin rett til å kunna gå fritt, og i fred, kvar som helst og når som helst.
Den 13. mai arrangerar dei gatefest for kvinner sin rett til å gå trygt i byen. Gatefesten er for alle som vil vera med, unge som gamle, kvinner og menn. Det vert konsertar, apellar, grilling og kreative verkstadar. Sjølvsagt vert det fint vær.

Anders Parmann som jobbar med Ta Natta Tilbake for SU seier at dei vil gi eit klart bodskap til politikarane. -Det er viktig at jenter skal kunna gå trygt i gatene om kvelden og natta. Han håpar så mange som mogeleg kan koma på gatefesten.

Så då er det berre å setja av datoen, for som Ingvild sa, “Ta natta tilbake? Det er kult!”.

TA NATTA TILBAKE
At Norge er et trygt land er en eldgammel myte.
Nå må lyset skrus på og stillheten brytes!
Nå må vi tørre å snakke sammen;
ikke leve i angst med skylden og skammen.
Vi vil ikke lenger slå oss til ro
med at makten og volden får lov til å gro.

Angsten og frykten
binder og stenger.
Vi trenger en trygghet
for å bli fri.
Vi vil ikke sitte
på gjerdene lenger.
TA NATTA TILBAKE
- natta er di!

Fortsatt finnes det eldgamle myter
om at offeret også nyter,
om at kvinnene egentlig vil det:
at det var hun som fristet ham til det.
Forbryteren går fri i rettsalen,
mens offeret dømmes av folkemoralen.

Kroppen er din
og sjela di også.
Du skal selv bestemme
hva du vil gi.
Et nei er et nei
og det skal ingen trosse.
TA NATTA TILBAKE
- natta er di!

Fortsatt finnes det eldgamle myter
om at den vanlige voldtektsforbryter
er blant de menn som er gale og stygge
som ligger og venter i busker og skygger.
Men også den gutten som følger deg hjem
har skygger i sjela som kan komme frem...

Kroppen er din
og sjela di også.
Du skal selv bestemme
hva du vil gi.
Et nei er et nei
og det skal ingen trosse.
TA NATTA TILBAKE
- natta er di!

Vi tror på en drøm
om likhet for alle.
Der kvinne og mann
har samme verdi.
At dører kan åpnes
og murer falle.
TA NATTA TILBAKE
- natta er di!

Bjørn Frengstad 011190

I mi søken etter bilete til posten kom eg over denne noko, eh, spesielle sida...

Den som aldri har synda kan kasta den fyrste steinen

2006-04-24T23:08:00.000+02:00

(fritt etter bibelen)

"On 3 January, 18-year-old Nazanin was sentenced to death for murder by a criminal court, after she reportedly admitted stabbing to death one of three men who attempted to rape her and her 16-year-old niece in a park in Karaj in March 2005. She was seventeen at the time. Her sentence is subject to review by the Court of Appeal, and if upheld, to confirmation by the Supreme Court."

amnesty

Her kan du skriva under mot henrettinga.
You can sign against the execution here.

The road not taken

2006-04-24T17:37:00.000+02:00

Eg har verkeleg mykje å gjera for tida. Dessutan har eg ein del å tenka på, som eg ikkje er sikker på om eg vil leggja ut på bloggen min, ikkje endå i alle fall.
However. For at ikkje alle mine trufaste lesarar skal kjeda seg ihjel legg eg ut eit dikt av Robert Frost. Fyrste gong eg las det var i engelskboka på undomskulen, eg hugsar eg syntes det var såååå fint.
Eg likar det endå.

The road not taken

Two roads diverged in a yellow wood
and sorry I could not travel both
And be one traveller, long I stood
and looked down one as far as I could
to where it bent in the undergrowth;

Then took the other, as just as fair,
and having perhaps the better claim
because it was grassy and wanted wear;
though as for that, the passing there
had worn them really about the same,

And both that morning equally lay
in leaves no feet had trodden black.
Oh, I kept the first for another day!
Yet knowing how way leads on to way,
I doubted if I should ever come back.

I shall be telling this with a sigh
Somewhere ages and ages hence:
Two roads diverged in a wood, and I --
I took the one less travelled by,
and that has made all the difference

Robert Frost

Fordommar

2006-04-19T16:37:00.000+02:00

I fordom -men [-en], -mar [-ar] (etter ty. Vorurteil) dom, omdømming, meining som byggjer på ei fastlåst overtyding, og ikkje på (nøktern) kunnskap om den saka det gjeld ha f-mar mot noko(n) / vere full av f-mar / fri seg frå f-mar

I går bvar eg på eit "meneskebibliotek" arrangert av Norsk folkehjelp.
Der kunne ein "låna" personar frå stigmatiserte grupper. Til dømes HIV-positive, blinde, døve og så bortetter. I utgangspunktet eit veldig bra initiativ, særs når det er på skular, arbeidsplassar og liknande. Akkurat i går var det på ein kafe for alle som hadde lyst, så då var det vel ikkje dei med mest fordommar som kom innom.
Eller var det kanskje det?

Blant dei som var der i går var det mest studentar, ellers var det stort sett organisasjonsfolk, som meg sjølv. Heilt sikkert ikkje dei som har flest fordommar mot asylyøkarar eller blinde. I alle fall har/hadde ikkje eg mange fordommar mot "bøkene" som var der i går.
Det store spørsmålet er vel om det tyder at me er fordomsfrie?
Eg trur ikkje det. Til dømes har eg massevis av fordommar, det er berre det at dei ikkje rettar seg mot dei mest stigmatiserte gruppene. For eg har ikkje fordommar mot lesber, døve eller frelsesarmesoldatar. Kvifor skulle eg ha det? Derimot har eg massevis av fordommar mot folk som køyrer bil i by, Norske, kvite, middelaldrande menn og folk som gjev born sukker (godteri) på toget...

Så kva er eigentleg forskjellen? Er eigentleg eg så mykje betre enn bestemora som trur ein får hiv av å drikka frå same glas? Tja, kanskje ikkje.

(Med fare for å verka veldig sjølvrettvis) Den store forskjellen ligg vel i at til dømes norske, kvite, middelaldrande menn ikkje er ei veldig stigmatisert gruppe. Om eg har fordommar mot dei så fins det sikkert ti gongar så mange som ikkje har det. Om eg skulle finna på å koma med usaklege angrep på norske, middelaldrande kvite menn er dei i aller høgaste grad i stand til å slå tilbake. Dei har ikkje det handicappet (skreiv eg det rett) det er å vera stigmatisert. Når dei seier noko lyttar folk. Ingen avskriv dei med at dei har "særinteresser". Ingen trur at ein kan verta gamal av å drikka av same flaske...

Men gjer det meg betre? I think not.

Påskeblues

2006-04-11T22:44:00.000+02:00

Eg har over 1 600 songar på dataen min, likevel er eg lei all musikken min. Er eg rar?

Uansett, rar eller ikkje.
No er det som kjent (snart) påskeferie. Litt ferie er jo fint, det kan jo til og med grinebitarar som eg vera einig i. Det som ikkje er så fint er når andre får det for seg at dei skal prakka sine religiøse høgtider på andre.

I mitt vakre feministkollektiv eig me ikkje noko slikt som ei vaskemaskin, me nyttar difor fellesvaskeriet i blokka. Fellesvaskeriet vårt er eigentleg meir eller mindre fantastisk. For å vaska i fellesvaskeriet må ein skriva seg på lister. 0700-2200 vekadagar, 0700(?)-2000 på laurdagar og nada på sundagar. At ein har ein vaskefri dag i veka er jo greit nok, ein må jo ta hensyn til stakkaren som har leiligheit under vaskemaskina.

Tingen no er at ein eller annan smartass har funne ut at det ikkje skal vera lov å vaska klede på torsdag og fredag denne veka. Sikkert avdi det er heilagdagar. Mogeleg det berre er meg, men er det ikkje litt drøyt at me ikje skal få vaska klede berre på grunn av at nokon har funne ut at dei er religiøse? Og om ein skal ha vaskeforbod på dei kriste heilagdagane, burde ein ikkje ha det på dei hinduistiske, jødiske eller muslimske og då? Og fins det ikkje vanvittig mange betre måtar å visa respekt for folk sine religionar enn å lata vera å gjera noko vetig på andre sine heilegdagar?

No må eg jo innrøma at dette eigentleg ikkje er noko stort problem for meg, eg skal stå på brett på fjellet med alt som kan krypa og gå av slekt på farsida mi. Der har eg til og med tilgang på vaskemaskin så mykje eg berre vil.
Apropos(?) det kjem eg til å vera utan nett ei lita veke, medmindre onkelen min har skaffa seg breiband på hytta då... Forhåpentleg har eg fått tid til å tenka og skriva mykje lurt til eg kjem attende.

Omtrent så flink er eg... jah.

Hei så lenge!

Visste du at...

2006-04-05T21:50:00.000+02:00

...den mest kjende komponisten frå mellomalderen var ei kvinne?

I det siste har det kanskje vorte litt vel mykje pjatt her på boggen. I alle fall er eg tilbøyeleg til å meina det. For ei stund sidan, nærare bestemt 8. mars lova eg diverse folk at eg skulle skriva noko om kvinnelege komponistar. Så langt kom eg ikkje. However seier eg som så mange andre at det er betre seint enn aldri. Så her kjem i alle fall litt :)

Kor mange komponistar kan du namnet på? Ein del ja. For kven har vel ikkje høyrt om J. S. Bach, W. A. Mozart eller vår eigen yndling Edvard Grieg? Kan du namnet på like mange kvinnelege komponistar? Visste du at W. A. Mozart hadde ei eldre syster som muligens var minst like talentfull som han sjølv? For øvrig enda ho opp som pianolærerinne etter ein barndom i rampeljoset saman med sin yngre bror. De kan jo gissa kvifor...

Opp gjennom tidene har det vore menn som styrte i Europa (i denne posten snakkar eg berre om Europa). Det har vore menn som sat med definisjonsmakta. Menn som har bestemt kva som har vore "bra" og "dårleg" og kven som har fått lov å stå på scena. Likeeins er det menn som har skrive historiebøkene.

Dette har vore synleg på meir eller mindre morosame måtar. Til dømes var kvinner bannlyste på scena i lange tider. Både som skodespelarar og songarar. Dette førte til at i dei tider mange kjende skodespel og operaer vart skrivne spela menn alle rollane...

Det rådande kvinnesynet i samfunnet elles har og kome til syne gjennom korleis ein framstiller kvinner på scena. At den kvinnelege hovudrolla døyr (gjerne medan ho syng for full hals) er standar avslutting i operaer, for kvinner er jo så svake, stakkar.

No lurar du kanskje på kva dette har med kvinnelege komponistar å gjera. Ein heil del faktisk. Om ein er ei svak sjel som ikkje er skikka til å stå på ei scene kan ein vel ikkje skriva noko det er verdt å setja opp på ei scene heller. Og berre for å forsikra seg om at kvinner som eventuelt gav blanke i konvensjonane og vart komponistar trass alt, ja til og med kanskje hausta annerkjenning, ikkje skulle vert hugsa utelot ein dei hendig frå historia.

Kor mange gode komponistar verda har gått glipp av grunna snevre kjønnsrollar torer eg ikkje tenkja på...

Anyway.
Til trass for mykje dritt her i verda hender det jo at ting går bra og. Her kjem eit par jenter det ordna seg for som komponistar, trass alt.

Me kan byrja med mellomalderen. Mellomalderen vert ofte omtala som ei "mørk" tid, utveklinga sto på staden kvil, og religionen låg som eit tungt teppe over europa. I skandinavia sprang me rudt og var vikingar framleis (faktisk hadde vikingane eit par kjende kvinnelege skaldar).
Det få veit om mellomalderen er at det er den einaste musikalske epoken med ei kvinne som mest kjende komponist for ettertida. Denne kvinna heitte Hildegard von Bingen 1098-1179.

Som lita vart Hildegard gove av foreldra som tiende til ei kyrkje. Mykje kan seiast om å gi vekk born som skatt, men i dette høvet er det nok den einaste grunnen til at ettertida har fått gleda av Hildegard.
Hildegard vaks opp til å verta ei anerkjend nonne, og grunnla blant anna to nonnekloster. I kraft av å vera nonne slapp ho unda dei flesta krava samtida sette til ei kvinne og fekk den fridommen ho trong til å laga musikk og skriva. Den dag i dag kjenner ein til nesten åtti komposisjonar av ho. I mellomalderen hadde ein få instrument, og musikken Hildegard skreiv er i all hovudsak vokalmusikk. Ho skreiv både for kvinne- og mannstemmer. Det kanskje viktigaste verket heiter "Ordo Virtutum". Det er skrive for kvinnestemmer, med eit unntak, djevelen vert sungen av ein mann.

I tillegg til å skriva musikk med tilhøyrande tekst skreiv Hildegard von Bingen fleire faglege tekstar, ho er og kjend for å vera blant dei fyrste som har konstruert eit språk (døme på konstruert språk: esperanto).

Grunna vondt i ryggen og eit snart ferdigsteikt brød tek me no eit stort hopp fram til nyare tid, og "heim" til noreg.

På slutten av attenhundretalet herja nasjonalromatikken og Edvard Grieg landet. Om ein spør fru og herr Kvarmannsen på gata i noreg kan ein lett få intrykket av at han var dein einaste. Det var han jo sølvsagt ikkje.
Ein av mine favorittkomponistar Agathe Backer-Grøndahl 01.12.1847-04.06.1907 hadde og si stordomstid i denne perioden. Forøvrig med ein ganske annarleis og meir internasjonal stil.

Agathe Backer-Grøndal vart fødd i Holmestrand og budde der til ho vart ti, då flytta ho med familien til hovudstaden. Ho byrja tidleg å spela piano, og i tillegg til komposisjonane sine var ho ein høgt anarkjend konsertpianist. I noreg studerte ho blant anna med Kjærulf og Lindeman før ho i 1865 flytta til Berlin for å studera.

Agathe Backer-Grøndal har lage 70 verk. Blant anna ca 190 songar (eit verk og ein song er ikkje det same), ca 120 klaverstykke og arrangert over 50 folketonar. I tillegg har ho skrive nokre få orkesterverk og eit par korsongar.

No har eg veldig både lyst til og føler at eg burde skriva meir, men ryggen gjer vondt, og brødet har allereie rukke å verta svidd, så det får halda for no.

Her er ei liste over kvinnelege komponistar.

Til slutt litt reklame:
Om nokon skulle føla for å høyra meg synga Agathe Backer-Grøndahl eller Hildegard von Bingen songar, eller kva som helst anna "klassisk" kan ein senda ein e-post til raudstjerne krøllalfa hotmail dott com. Det GÅR AN å leiga meg inn for å synga i bryllaup, konfirmasjonar, gravferder, femtiårslag, gatefestar, you name it.

Eg har ikkje tatt ferie altså.

2006-04-03T22:21:00.000+02:00

Er berre litt småsjuk, og så har eg vore litt travel i det siste.
+ at det har vore 1. april. Eg HATAR 1. april. Vert altid lurt av alt mogeleg rart (ikkje i år då). Så rundt om kring 1. april unngår eg aviser og alt. Jupp! Så kjip er eg.
Eg har ikkje tenkt å skriva noko ordentleg her no heller. Tenkte berre at kjerringtesten har lagt på toppen lenge nok.
Var dette den mest uinteressante posten eg har skrive til no... Jaaaa...

Denne jenta datt forresten innom statcouteren min i dag.

Uberkjerringa Guri

2006-03-27T17:31:00.000+02:00

Vel, no vil jo eg påstå at det fins ulike typar kjerringar. Det fins bitch-kjerringar, trollkjerringar (slike som i eventyra) og det fins kaffeslabberskjerringar. Eg skal ikkje legga skjul på at eg kanskje høyrer inn under minst ein av dei nemnde kjerringkategoriane. Ikkje synes eg det er noko gale med å vera kjerring heller. Uansett, Grubleline har "tægga" meg med "kjerringtesten", så her kjem svaret alle ventar på; er Guri ei kjerring...

"Hvis du ikke er sikker på om du holder på å bli, eller kanskje allerede ER kjerring, bør du ta kjerringtesten. Hvis du nikker gjenkjennende til mindre enn 5 av kjerringtegnene under, kan du slappe av vel vitende om at du langtfra er noen kjerring. Treff på 5 -10 kjerringtegn viser at du er i faresonen. 10 - 20 JA viser at det definitivt er fare på ferde, mens over 20 JA tyder på at du burde gått av med pensjon."

-Du bruker mer penger i uka enn i helgene.
Eh, ja? det er jo på ein måte flest dagar i veka då...
-Du har duk og blomsterpotte på TV-en.
Eg har verken duk, blomepotte eller TV, så nei.
-Du rydder jevnlig i dypfryseren.
Eg har ikkje djupfrysar, berre sånn pittelite fryseskåp (og bra er det, ellers hadde det nok vore på høg tid at eg rydda der, burde forsåvidt ha rydda i fryseskåpet og snart).
-Du hører på Nitimen.
Nei, eg høyrer på iPod.
-Du synes det kunne vært gøy å prøve "en sånn hurtigvin".
Hurtigvin? Fins det hurtigvin og saktevin? Hæ?
-Du vet hva du skal ha til middag på søndag allerede på onsdag
Eg veit ikkje kva eg skal ha til middag på søndag på søndag.
-Du synes fersk gjær er bedre enn tørr gjær.
Forsåvidt, men eg brukar tørrgjær likevel.
-Du synes middag kl 19.00 er sent.
Eg synes middag klokka 19.00 er tidleg...
-Du har fem kasser med julepynt.
Eg feriar ikkje jol...
-Du kjøper julepynt på salg i januar.
Det kan jo henda, joletreljos kan brukast til mykje rart det.
-Du snakker heller med kvinner på fest.
Vel, dah! Korleis skulle det elles verta noko på meg? Ofte er det berre jenter på festane eg er på uansett.
-Du blir lykkelig over en ny kjele.
Ja. Litt for glad i ting er eg. Sånn på generell basis.
-Du lager pudding eller grateng av alle middagsrester.
Hadde sikkert gjort det om eg nokonsinne hadde middagsrestar, men eg et vanlegvis opp maten min.
-Du spiser Kongen av Danmark eller Honningkamfer.
Eg et eigentleg ikkje sukker (blir så hyper), men kongen av danmark er jo veldig godt då, så i teorien må det nok verta ja.
-Du spiser alltid rekecocktail til forrett.
Nei. Har aldri ete rekecocktail til forrett (fruktcocktail derimot, neidå, tulla).
-Du synes det er festlig med fiskekabaret.
Ja, i alle fall når mamma skal laga. Haha.
-Du begynner å bruke de broderte dukene som du har fått av svigermor.
Har ikkje svigermor, har ikkje dukar. Om eg hadde hatt svigermor og dukar hadde eg likevel ikkje brukt dei.
-Du har ferdiglagede middager med på påskeferie.
Nei, middagslaging er ein utruleg bra måte å sleppa unda skigåing på.
-Du synes dronning Sonja har mange artige hatter.
Ja, men mine eigne er mykje finare.
-Du går med lysebrune nylonstrømper til skjørt.
Nei! Ljosebrune nylonstrømper er grellt. Det ser ut som om ein trur folk trur ein er så brun. Gah. Om dei er sånne tjukke av ull eller bomull går det greit.
-Du har tellekant på trusene.
Trur ikkje det går an å ha tellekant på trusene mine. Men om det hadde gått hadde eg hatt det. Eg har tellekant på sokkane og nylonstrømpebuksene, og, vel, alt. (Det vert ja?)
-Du har brettede plastposer i vesken i tilfelle du skal handle noe.
Nei. Men eg har med sekk når eg skal handla.
-Du sjekker kølappen på polet hver gang det plinger.
Ja. Gullfisk kallar me slikt.
-Du tar bilde av din praktfulle balkongkasse og viser det fram på jobben.
Oioioi! Eg veit kva eg skal få meg, verandakasse! Eg har jo veranda.
-Du synes det er for sent å gå på nier'n på kino.
Ja, så seint på kvelden har eg betre ting å gjera på ;)
-Du får såpe i julegave.
Ikkje no lenger, eg trudde det var ei barnegreie?
-Du plukker bort støv og hår fra andres klær uten baktanker.
Ja.
-Du bruker samme tepose to ganger.
Ja, om eg er fattig (og det er eg ofte).
-Du har med pute når du skal kjøre langt i bil.
Køyrer aldri bil, men har med puta og pledd på toget, så hadde sikkert hatt det med i bil og.
-Du melder deg inn i bokklubben bare for å få kaffeserviset.
Ikkje kaffeserviset, eg drikk ikkje kaffe, men alle dei andre greiene. Oppevaringsboksane, for eksempel, eller dynetrekket.
-Du har våtservietter i bilen.
Eg har ikkje bil, kan aldri tenka meg at eg hadde hatt våtserviettar i den om eg hadde hatt bil.
-Du soler deg i vanlig BH.
Eg solar meg ikkje. Til det er eg for glad i den veldig kvite huda mi.
-Du danser swing til all slags musikk.
Ja, og gjerne med veldig høg promille.
-Du svømmer som en hund for ikke å bli våt i håret.
Eh, nei? Eg sym som ein hund for ikkje å få vatn i nasen og augene. For øvrig trur eg ikkje at å symja som ein hund i denne testen tyder det sama som det eg og søstrene mine kalla "hundesymjing" då eg var lita.
-Du kjøper "gode" sko.
Ja, kva ellers skulle eg kjøpa? Vonde sko?
-Du har paraply i håndvesken.
Nei, det er paraplyen for stor til.
-Du tar selv initiativ til slektsstevne.
Ja.
-Du tar vare på tomme rømmebokser og syltetøyglass.
Nei, og eg kastar Ranveig sine i smug.
-Du bruker sukkerbit til kaffen.
Eg drikk ikkje kaffi. Det er vondt.
-Du serverer fyrstekake, rullekake, smurt lefse eller smultringer når du inviterer til kaffeselskap.
Sånn bortsett frå at eg ikkje inviterar til kaffeselskap så ja. Noko gale i det kanskje?

Oi! om eg tel med den med verandakassa hadde eg tjue. Må telja ei gong til. Det er tjue... Det er den høgaste scoren eg har sett på denne testen. Og eg som berre er 21... Jaja, pensjonisttilværelese here I come... *sukk*

Uansett. Galskapen skal ikkje få lov å enda med meg, så eg sender testen vidare til Kamilla (om du får så mykje som eit einaste poeng skal eg le meg fillete) og Katarina (om nokon skal verta lika mykje kjerring som meg må det vera du...).

Den eminente überkjerringa for nokre år sidan.

Om eg vil kvafornoko? Vaska???!

2006-03-22T19:26:00.000+01:00

I dag fekk eg ein god, gamal klassikar på sms frå ei veninne. Lik som meg har de sikkert høyrt denne før, men kanskje hadde de og gløymt denne historia?

Det var ei gong ei vakker, sjølvstendig prinsesse.
Ho fann ein frosk i det ho sat og fundera over livets spørsmål.
Frosken hoppa opp i fanget hennar og sa;
-Ei gong var eg ein vakker prins.
-Om du kyssar meg vert eg til ein prins igjen, så kan me gifta oss og bu i slottet ditt.
-Der kan du laga mat til meg, føda borna mine, vaska klærne mine og for altid vera takksam for å gjera det.
Den kvelden, medan ho åt froskelår, lo ho godt for seg sjølv og tenkte;
-Ikkje faen!

Er ikkje den bra?
Tihi...

Og så berre for å ilustrera kva ein IKKJE skal gjera...

***

Som alle veit er jo statcounter ein morosam ting.
Her om dagen hadde eg fått besøk frå dette kristne, amerikanske, bloggekollektivet (kan ein sei bloggekollektiv?). Kva dei fekk ut av sida mi, sånn i og med at eg skriv på norsk, er uvisst... Men uansett eigentleg morosamt å sjå korleis andre tenker.

...

2006-03-19T23:21:00.000+01:00

Så var eg ferdig med den andre opptaksprøva. Det vert nok ingen skule på meg til neste år...

I går tok eg nattoget frå Oslo ti Bergen. Hadde sitjeplass. Det brukar å gå greit. Berre at denne gonga gjorde det ikkje det. Sat ved sida av ein fyr som ved fyrste augekast verka ok. Berre at han var ikkje det. Han tok opp så mykje plass. Eller han invaderte mitt personlege rom, om du vil. Eg fekk sova max ein time. I går sov eg bort heile dagen, og no er eg dødtrøytt igjen.
Eg forstår ikkje kvifor nokre personar (mostly men) ikkje forstår at når eg har plass 40, så er faktisk plass 40 MIN på akkurat den turen. Eg kan ikkje fatta og begripa at ikkje folk skjønar at eg ikkje vert glad av at dei legg jakka si oppå meg (særs ikkje når eg har sukka og klasta den tilbake minst ti gonger). Eg kan ikkje for mitt bare liv sjå grunnen til at nokre folk (for det meste menn) trur at dei kan bruka akkurat så mykje plass som det passar dei. Herregud.

Utover dårlege prøvespel resultat og plagsomme menn på toget var Oslo ein sukses. Eg har møtt folk eg ikkje har sett på lenge. drukke øl for fyrste gong på lenge og kjøpt nye klær.

Men no Må eg sova, nokre av oss MÅ tilbake til den teite jobben vår i morgon.

Forresten! Eg veit at gutar vert sosialiserte til å ta plass. Det tyder likevel ikkje at eg må finna meg i å verta invadert av framande på toget. Og ja, eg er og fulstendig klar over at ikkje alle gutar er som togfyren.

Til lukke med dagen alle jenter

2006-03-08T10:07:00.000+01:00

Endeleg har den store dagen kome. Kvinnedagen. Elska og hata. Allereie i forrige veke byrja folk å hetsa kvinnegruppa Ottar i media.

På jobben min (eg arbeidar i ein større finansitstitusjon, lønsnivået er generelt høgt, og folk er litt i politisk koma) er me sju damer på jobb i dag, inkludert meg. Det er menn på avdelinga og, men dei er late og kjem seinare på jobb sjølv om dei ikkje må køyra tre born til skulen kvar dag.
Mitt "God morgon, og gratulerar med dagen alle saman!" i dag tidleg vekte følgjande reaksjonar blant dei kvinnlege kollegaene mine. "Åh! Det er den dagen i dag. Takk, i like måte. Det er bra at nokon hugsar på det." (5 stk) og "Huff, er det den dagen i dag. Eg er ikkje for slikt eg. Kvifor skal ein ha kvinnedag og ikkje mannedag liksom?" (1 stk). (Den siste reaksjonen fekk sjølvsagt ei lengre remse om å vera historielaus og lite globalt orientert som svar frå meg og den dødskule ugifte og litt rare femtiåringen på nabopulten min.)
Det som både er litt skremmande, men desverrre nokså vanleg trur eg, er at den siste reaksjonen ikkje kom frå ei av oss "vanlege" damene på jobben, men frå sjefen. Sjefen er sjølvsagt hellig overbevist om at alle har like mogelegheitar til å oppna det ein vil, uansett og at kjønn, økonomi, sosial bakgrunn og sånt her heilt irrelevant. Jaja. Ho om det.
Det som er fint er jo at "folk flest" på avdelinga mi faktisk synest at kvinnekamp er viktig. At dei er positivt instilte. At sjølv om dei vanlegvis er relativt politisk medvitslause har dei i alle fall fått med seg at menn og kvinner ikkje vert likt møtt av samfunnet.

For tida er det vanleg å møta på folk, som på same måte som sjefen min, meinar at kvinnedagen "har gått ut på dato". Dei seier at "me har jo liksetilling i noreg i dag" eller at "kjønn har jo ikkje noko å sei lengre, alle er si eiga lukkes smed" og liknande tull. Eg trur at enten er dei alvorleg hjernevaska ellers så meiner dei eigentleg at kvinner burde konsentrera seg om å sjå søte ut og ellers halda kjeft.
Å påstå at me har full likestilling i Noreg i dag er direkte feil. Det er eit faktum at kvinner i gjenomsnitt tener mindre enn menn og at kvinner i større grad enn menn tek seg av ubetalt omsorgsarbeid. Det er og eit faktum at kvinner i mykje større grad enn menn vert utsett for sksualisert vald. Berre for å nemna eit par punkt.
Dessutan vil eg påstå at uansett om me hadde hatt full likestilling i noreg hadde ikkje tida vore inne for å leggja ned kampen, sei oss tilfredse og gå heim og leggja oss. Det er drøssevis av andre kvinner rudt om i verda som har alt anna enn likestilling. I mange land er abort ulovleg, valdekt godteke som "straff" og kvinner sett på som ting ein kan gi bort om familien din skulle verta uvener med nabofamilien.
Dessutan er det slik at kvinner utfører (minst) halvparten av alt arbeidet som vert gjort på verdsbasis, mottek rundt 10% av løna (på verdsbasis) og eig ein endå mindre prosent av eigedommane. Rettvist? I think not.

Eg synes at kvinnedagen er viktig og naudsynt. Sjølvsagt av dei overnemnde grunnane, men og avdi å ikkje feira kvinnedagen ville vera vanvittig respektlaust overfor alle dei kvinnene som har kjempa før oss. Det ville vera å sei at den kampen våre mødre, bestemødre og oldemødre kjempa ikkje er så viktig lenger. Det ville vera som å sei at me ikkje skal feira 17. mai på grunn av at Noreg ER jo eit fritt land. Det ville vera å sei at me skal gløyma historia, og det kan vera farleg det.
Eg har i alle fall ikkje tenkt å verken slutta å kjempa eller å gløyma historia.
I den historiske samanhengen vil det verta lagt ut noko om kvinnelege komponistar seinare i dag, så føl med ;)

Til slutt vil eg nytta høvet til å gratulerar alle jenter, unge og gamle, tjukke og tynne, raude og blå, blide og sinte, med dagen. Stå på krava og ikkje gi opp. De er ikkje åleine, saman er me sterke. (Klisjeane dett ut av meg i dag ja...)
GRATULERA MED DAGEN JENTER!

...

2006-03-06T23:55:00.000+01:00

Det gjekk ikkje så bra...
And I can't stop crying...

Kvifor eg er fråverande...

2006-02-21T22:30:00.000+01:00

Eg sto ikkje på gehørprøva til konservatoria og musikkhøgskulen. Så no puggar eg. Men snart skal eg skriva om kvinnlege komponistar...
So long!

Ytringsfridom og dobbeltmoral

2006-02-07T21:12:00.000+01:00

Ja! dette innlegget handlar om Muhammed-teikningar, flaggbrenning og ytringsfridom.

I noreg har me ytringsfridom (for det meste i alle fall), og det burde ein ha i resten av verda og. Om nokon, for eksempel Jyllandsposten, har lyst til å bruka ytringsfridommen sin til å publisera Muhammed-karikaturar er dei i sin fulle rett til å gjera dette. Dette er ein rett som eg støttar (det betyr ikkje at eg nødvendigvis ville gjort det same). Og når sinte muslimar brukar ytringsfridommen sin til å brenna norske og danske flagg meinar eg at det må dei vel og ha lov til å gjera (ambasadebrenning derimot er vel å gå "litt" for langt).

At Jyllandsposten og den norske kristenavisa "Magazinet" (det var jo og eit namn) trykker Muhammed-karikaturar er altså i og for seg greit, det er flaggbrenning og.
Det eg ikkje synest er greit er at ein gjeng hykleriske og dobbeltmoralske "blåbloggarar" med VamPus i spissen rykker ut i hopetal på sine kvite hestar for å "forsvara ytringsfridommen" når trykkinga av Muhammedkarikaturane får konsekvensar (eller, ikkje så mykje ugreit som patetisk). Ikkje fordi ein ikkje skal forsvara ytringsfridommen, men fordi tidlegare nemnde "blåbloggarar" er dei fyrste til å ropa på meir politi og "stopp terroristane" når eg og mine likesinna prøver å bruka vår ytringsfridom for eksempel til å demonstrera mot EU eller til å kreva like rettar for kvinner som for menn. Forsvararar av ytringsfridommen meg midt opp i rompa. Lat oss få ein ting på det reine. Når ein fyrst har ytringsfridom skal den faenmeg gjelda for alle! Ytringsfridommen skal gjelda like mykje for meg som er ueinig med VamPus og gjengen som for Jyllandsposten som (i alle fall i dette tilfellet) er einige med store delar av gjengen til VamPus. Berre så det er sagt.
Så det så!

Med andre ord, eg er for ytringsfridom. Det eg forøvrig har litt "issues" med er dobbeltmoralske blåbloggarar som berre skrik om ytringsfridom når det passar dei.

Check this out!

2006-02-01T17:48:00.000+01:00

I dag fant eg ein blogg med den kulaste entry-sida (kva heiter det på norsk) eg har sett.
Her!
Og oki, det er kanskje ikkje heilt min type musikk, og har ikkje lese eit ord på sida endå.
Men dog.
For øvrig er det ny lay-out på veg her i garden og.

Hjeeeeelp!!!!

2006-01-25T23:25:00.000+01:00

Ein del har kanskje lagt merke til at det har vore litt stille her i det siste. Dette er på grunn av at eg har teori og gehørprøve på griegakademiet på laurdag (28. jan). Og denne MÅ eg stå på om eg skal gå der. (Har ein andre sjanse i opptaksveka, men det er berre heilt usansynelg stress.)
Resten av opptaksprøvane er i veke 10 (griegakademiet) og i veke 11 (Noregs musikkhøgskule). Eller med andre ord, i veke (8), 9, 10 og 11 skriv eg nok ikkje så mykje her. Med mindre eg kjem inn då :)
Så veit de det...
Wish me luck :D

Dette er ikkje ei kontaktannonse...

2006-01-19T23:05:00.000+01:00

men eit rop om hjelp.
På same måte som Marina ser eg på meg sjølv som ei jente som greier å fiksa dataen sin sjølv. Eigentleg ei jente som greier å fiksa det meste sjølv.
Om vasken blir tett kan eg ordna det (sjølv om det er så ekkelt at det er best å få hjelp), om noko "forsvinn" på hardisken kan eg finna det igjen og når mamma og pappa får virus på pc sin kan eg fjerna det for dei.
Til trass for dette har eg i det siste støytt på ein del problem på datafronten som eg trur eg treng litt hjelp med. Samtlege av desse problema kan knytast til blogginga mi.
Med unnatak av oppdateringsansvar for heimesida til Voss SU ein liten periode på vidaregåande har eg aldri før drive på med HTML-koding og slikt, så her er eg varkeleg på ukjent grunn. Og det har jo gått fint, til no. Eg har jo funne ut korleis ein legg til linkar, både på sida og i tekstane, korleis ein får bileta til å bli slik som ein vil, korleis ein finn ut kor mange som er innom sida og andre kjekke ting. Men no har eg altså funne ut at eg vil endra på layouten. Oi! Det var skummelt. Må ikkje eg koda i tempaltet då? I så fall føler eg at det er stor "fuck-up-faktor". Fins det ein lettare måte?
Og så har eg jo sett meg litt rundt her i bloggebyen, og her har eg sett at det er mange som har sortert blogginlegga sine under kategoriar. Korleis får eg til det?
Sjølvsagt har eg ca tusen andre ting eg luarar på og, men det får me ta litt etter kvart.
Og ja, eg veit at eg nok kan finna ut av både det eine og det andre ved å sjekka denne "guiden" på bogger, men det har seg slik at eg ikkje kan datauttrykk verken på norsk eller engelsk, så ofte kunne alle dei smarte tipsa like godt ha stått på russisk og eg hadde forstende akkurat like mykje...
No håpar eg sjølvsagt på heidundrane respons på dette inlegget og massevis av smarte tips.
Om ein synes at ein kommentar blir for kort går det an å e-posta meg på raudstjernekrøllalfahotmaildåttcom, så kan eg sende deg msn adressa mi.
Snakkas :D

Det er lett å få dataen til å sjå pen ut, bloggen derimot...

Fader vår

2006-01-16T23:40:00.000+01:00

du som er i himmelen
gjev oss i dag vårt daglege brød
og forlat oss våre skulder
som me og forlet våre skuldarar.
Frels dei homofile,
og ta for all del frå dei eventuelle maktposisjonar.
Før oss ikkje ut i freisting
men frels oss frå det vonde.
For riket er ditt
og makta og æra
i all æve.
Amen.

Omtrent slik vil openbart pastor jan-Aage Torp at små og store born i Noreg skal byrja eller avslutta dagen.
I alle fall i følgje denne fantastisk artikkelen om bønn for (eventuelt mot, alt ettersom) homofile som eg kom over på Norge I Dag.

No må eg jo inrømma at eg ikkje var klar over at eg er ein av mange "hjelpesløse gutter og jenter, menn og kvinner som rett og slett er blitt forvirret i sin kjønnsidentitet på grunn av ensidig, forvrengt påvirkning fra venstrevridd media, på grunn av antikristelig psykiatri og psykologi, på grunn av homo-propaganda i skoleverket, og på grunn av Hollywood-filmenes snedige innføring av seksuelle abnormiteter." Men det er jo altid kjekt å verta opplyst...
For øvrig må eg og inrømma at eg finn stor glede i mine "seksuelle abnormiteter", og har tenkt å fortsetja med det. Sjølv om det mot formodning (og mot alt mine mange kristne prestedøtre-veninner seier) skulle føra meg lukt til helvete.
For øvrig meiner eg å ha høyrt rykte om at helvete eigentleg berre er eit resultat av feil-oversetjingar og liknande, men det er jo ei anna sak.

Vel vel.
Eg får vel avslutta med å ønskja alle ein god morgon/dag/kveld/natt full av trivelege "seksuelle abnormiteter".
Nokon av oss skal i alle fall ikkje drøyma om Jesus i natt ;)

The sun will come out, tomorrow...

2006-01-10T22:24:00.000+01:00

I og med at Guri har vondt i ryggen, augene og kanskje særs i viljen vert det ikkje noko ordentleg blogginlegg i dag.
I staden for skal Guri sjå på Buffy, the vampire slayer eller Twin Peaks.
Og så skal ho gle seg til alle dei gratis, fine tinga kjem frå bokklubben ho har meldt seg inn i.
Medan ho gjer dette skal ho så smått byrja å grua seg til opptaksprøvane, kanskje alle mest til teori- og gehørprøven, som er allereie 28. januar, og generelt synast synd på seg sjølv.

Men berre vent, Guri kjem sterkt tilbake. Og då har ho kanskje teke fram den sinte Ottarfeministen i seg. Moahahaha!

Trøytt, trøytt, trøytt

2006-01-04T23:54:00.000+01:00

Og så har nok ein kveld gått med til å loke rundt på nett... og eg skal liksom på jobb i morgon tidleg og så ha songtime... Blæh...

Blame it on the feminists

2006-01-03T18:56:00.000+01:00

eller dumme ting likestilling får skulda for del 1.

I dag kom eg over eit blogginnlegg på vg.no.
Innlegget handla om romantikk, eller rettare sagt, om at romantikken er død. For det fyrste, er romantikken død? Det har i alle fall gått meg hus forbi. I fjor gjekk eg på Toneheim Folkehøgskule, og der var det i alle fall nok romatikk og søtsupperi. Ein kan jo få diabetes av mindre (ja eg er singel). Men uansett.
Grunnen til at romantikken er død skulle visstnok vera den store, stygge likestillingsulven, som skremmer livskiten av alle menn med urimelege og usansynleg skumle straffer om dei skulle finna på å kjøpa blomar til dama. Hæ? Jaja.
Det mest interessante var for øvrig ikkje blogginlegget, men diskusjonen som fulgte. Sidan bloggen låg på hovudsida til vg.no fekk den nok merksemd.
I diskusjonen vart det hevda at grunnen til at romantikken er død er at kvinner og menn har blitt for like (fritt samndrege). Eller med andre ord. Romantikk er avhengig av at ein har ei kvinneleg kvinne og ein macho mann. Javel. Og kva med alle romantiske homofile par då? Det fins jo nok av dei.
Dette påpeika eg og i diskusjonen. Svaret eg fekk var at det var vel ei "kvinne" og ein "mann" i dei skeive forhalda då.
Ikkje for å pirka, men er det meg i skjørt eller den andre dama i skjørt som er mannen? Det har ikkje ramla folk inn at grunnen til at ein vel å leva skeivt i utgangspunktet er at ein ikkje "fell" for det andre kjønnet? Om eg ikkje likar menn, og dama eg datar ikkje likar menn (hypotetisk sett), kvifor skulle me då date ei "mannekvinne"? Beats me...
Kan ikkje berre folk snart insjå at ikkje alt som har med kjærleik/sex/romantikk osb. spring ut frå "den lille forskjellen", men folka som er involvert?

For øvrig har Caralin skrive interessante funderingar kring legning etter romantikkinlegget.

Den store stygge likestillingsulven.

Å elska og æra til døden skiljer dykk...

2006-01-02T21:46:00.000+01:00

I dag hende det noko usansynleg skummelt. Plutseleg poppa det opp eit bilete av Torbjørn Røe Isaksen på datan min. Så då sat eg der og hylte og vifta med armane då (eg gjer sånt, det ser visst frykteleg morosamt ut). Berre bra det ikkje var Harald Viktor Hove (gæh), då hadde nok Ranveig funne meg skjelvande på golvet når ho kom heim frå ferien. Det blir nok lenge til neste gong eg tør klikka på ein link hjå VamPus. Greit nok at eg har perlekjede, pen genser og ei bukse som er dobbelt så dyr som mp3-spelaren til veslesystera mi på, og at eg dessutan syng klassisk, så eg verkar sikkert som eg passar fint inn i Høire. Men det får då vera greneser for kva ein stakkars jente må tola.
Men det var ikkje dette eg eigentleg skulle skriva om no. I dag då eg var på butikken og handla kom eg til å kasta eit blikk på BA. Smurt ut over framsida sto det "Bruden (17) fikk hakeslepp, Kurt kuppet bryllup". Jaha. Brud på 17. Hugs det.
Tidlegare i haust, nærare bestemt i valkampen hadde RV og RU ein aksjon for kjønsnøytral ekteskapslov. To par beståande av jenter i 15-18 års-alderen vart "vigde" på trappa til Johanneskirka i Bergen. BA dekka denne saka med framsida "RV utnyttar lesbiske barn i valgkampen" (fann ikkje artikkelen på ba.no). Javel, så når 15-18 åringar aksjonerar for kjønnsøytral ekteskapslov etter eigen, fri vilje vert dei utnytta, men når 17 åringar giftar seg på ordentleg (forhåpentleg og etter eigen fri vilje) då er det heilt greit? Det her med at ein skal vera konsekvent kan umogeleg ha gått inn hjå ba-redaksjonen. Dette luktar av homofobi. Eg er villig til å vedda ganske mykje på at om "barna" på kirketrappa hadde spelt heteropar hadde ikkje ba-redaksjonen så mykje som letta på augneloka. Faktisk så hender det kvar jonsok (st.Hans) at barn ned i 2-3 års-alderen spelar heterobrurepar utan at BA reagerar på dette. Eg berre nemner det.
Personleg synes eg at det er mykje verre at små barn vert pådytta heteronormative ritual som hetroekteskap frå dei er heilt små enn at tenåringar aksjonerar for kjønnsnøytral ekteskapslov. Ja eg går til å med så langt som til å sei at eg synes det er verre at 17-åringar giftar seg enn at andre 17-åringar spelar ekteskap. Tenk det!
No er eg jo ikkje nødventigvis mot ekteskap, men det er unekteleg eit faktum at å gifta seg får store koneskvensar og at å gjera dette i ein alder av 17 kanskje er litt tidleg. Medan ein aksjon er jo ikkje på noko som helst vis like alvårleg. Om eit par år er nok heile aksjonen gløymt av dei fleste.
Men for all del, BA må berre skriva det dei vil, for det er heldigvis fleire enn meg her i landet som har fått utdelt hjerne til å tenka med.

Same procedure as last year...?

2006-01-01T23:03:00.000+01:00

Nytt år, nye mogelegheitar. Or so they say.
Personleg synes eg at nyttår er oppskrytt, på samme måte som jul, bursdagar og “gode gamle tradisjonar”. For faktum er at 1. januar er like mykje “den fyrste dagen i resten av ditt liv” som ein kvar annan dag. Det er jo nemleg ikkje slik at fordi kalendaren tilfeldigvis syner at me har byrja på eit nytt år (kven har forresten bestemt at dette skulle skje akkurat på denne tida av året?) får ein automatisk ein ny "kvote" med mogelegheitar. Kva ein i bunn og grunn har lyst til å gjera med livet sitt er i bunn og grunn opp til ein sjølv. Om datoen ein vel å byrja på sitt "nye og betre liv" er fyrste januar, 13. mai eller åttande november er heilt totalt likegyldig. Det som spelar ei rolle er jo faktisk om ein går aktivt inn for å endra på ting. No veit eg jo at det ikkje nødvendig vis er så enkelt, ein har jo system og mekanismar i samfunnet (kapitalismen, patriarkatet, janteloven...) som gjer at ting ikkje er like lett for alle, men det kan me ta ei anna gong.
Men tilbake til ting som er oppskrytte. Sånn i samanhengen nyttår kan ein jo godt nemna nyttårsfestar. For det må utan tvil vera årets mest oppskrytte festar, kanskje med konkuranse frå jolebord. Dette standpunktet har ført til at eg år etter år i staden for å gå på ein eller annan "bli-totalt-drita-og-kline-med-halve-festen-før-midnatt-fest" finn meg blant tanter, onklar, syskenebarn, foreldre, grandtanter og, i år, fire (levande) kyllingar i det det gamle året går over i eit nytt. Mi mor er ein del av ein syskenflokk på sju (seks jenter, ein gut) der alle har minimun tre barn kvar. Kvar nyttårsaften samlast alle desse med ektefeller, barn, barns kjærestar og diverse øvrige slektningar på familie(frukt)garden i hardanger. Der festar ein inn i det nye året med minst tre måltid frå seks om kvelden og utover, diverse (meir eller mindre) festlege selskapsleikar og i år utprøving av mormors gamle swingskjørt får nittenhundre-og-blomkål som ho bruka etter å ha fått to barn og som eg og mi kusine Marit var dei einaste som var for "kjukke" til å få på seg. Jaja. Koseleg det. Det eg eigentleg hadde tenkt å koma fram til med dette var familie. For der har du ein ting (til som nok og er oppskrytt) som eg har eit litt delt syn på. For på det eine sida er det jo veldig koseleg og "kjekt å ha". For min del betyr det at eg altid vil ha eit relativt stort nettverk som vil følgja meg gjennom livet uavhengig av korleis eg elles gjer det i livet. På den andre sida er det utruleg hetronormativt og ein av dei tinga som får folk til å skilla seg ut på ein negativ måte i samfunnet om ein ikkje har/har eit dårleg forhald til sin familie. Ikkje sånn å forstå at min familie ville ha freaka om eg hadde dratt med meg ei jente på nyttårsfeiringa, men om mormor hadde vore lesbisk så hadde nok aldri den familien eg har no vore mogeleg. Homofile får jo til dømes ikkje adoptera. Eller om eg hadde hatt ein valdeleg far hadde eg nok ikkje hatt det same forhaldet til familien som no. Med andre ord, familie er utruleg "uretvist". Det er noko ein ikkje kan velja eller endra, noko ein "berre er fødd med", nesten i like stor grad som kjønn. Vel, eg stoppar der. Eg har ikkje tenkt å koma med nokon fasit eller noko slikt i dag, dette var berre mine tankar, sånn på den fyrste dagen i det nye året. Eg har forresten ingen nyttårsføresett. Sånn i tilfelle nokon lurte. Mitt "nytt og betre liv" startar stort sett etter sommarferien...

Jenter i nerdeverda

2005-12-12T23:57:00.000+01:00

"Eigentleg er nesten alle datamaskiner jenter. Dei har jo innebygg mus." Kirsti Pernille etter 4 timar med indesign og tyrkisk eplete.

Biletet du ser over er eit resultat av å google "girl mac". Må sei eg hadde håpa å finne noko meir av typen jente-med-laptop-i-fanget. Men neidå. Eg burde jo ha visst det. Det burde jo ha slått meg at internettverda ikje er snillare enn den "verkelege" verda. I den "verkelege" verda har ein prnoblad og H&M plakatar, på internett har ein, eh, vel, ja. I den "verkelege" verda er jenter objekt som det er ok å valdta, og på internett der kjønn burde hatt mindre å sei er det likedan, eller i alle fall dei same haldningane som rår. (Sånn for ordens skuld kan eg jo nemna at eg gjorde det same søket med boy og mac. Då fekk eg opp mest ting av typen "mac's 5th birthday" og sånn...)
Eg møter stadig på folk som seier ting av typen "men me har jo likestilling i noreg i dag" eller "om kvinner vel å bruka tida si på utsjånaden i staden fro karrieren er det jo deira val og deira problem". Men HALLO! Vakn opp. Korleis kan folk påstå at me har reel likestilling i noreg når premissane kvinner og menn møter i samfunnet er heilt ulike? Korleis kan folk tru at eg, som kvinne, kan gå ut i verda med den same trua på meg sjølv som menn når eg kvar dag møter bilete av "perfekte" kvinner smurt opp over alt? Korleis kan folk tru at eg kan gå på med det same motet som menn når alt eg nokonsinne får høyra er at kvinner ikkje er like bra som menn, at me er intrigemakarar, at me er "sladrekjerringar"?
Vel, I've got news for you. Det er ikkje altid like lett å vera kvinne som mann, for det at eg tilfeldigvis var fødd med innovertiss i staden for utovertis (takk gud for det, forresten) blir eg nok nøydd til å gå litt fleire oppoverbakkar i mitt liv. Men ein ting skal de vita, de må ikkje tru eit einaste sekund at eg har tenkt å gi opp. Ingen skal koma her og tråkka over meg berre for at eg har kort skjørt på meg.
For det er jo slik at når ein har mindre i utgangspunktet så har ein og mindre å tapa, men så mykje meir å vinna.

Happy, triggerhappy

2005-12-08T20:40:00.000+01:00

Dei siste dagane har eg røyka 20 om dagen, eller kunne like godt ha gjort det. Den fine byen min, Bergen, er nemleg så full av svevestøv for tida at i dag har astmatikarar blitt oppfordra til å ikkje gå ut i det heile teke.
Bergen har mange inbyggjarar (i alle fall i Norsk skala) og sikkert endå fleire bilar. Eller slik føles det i alle fall. Alle desse bilane køyrer rundt med piggdekk og spyr ut eksos i den kalde, stilleståande, tørrre vinterlufta. Til vanleg merkar ein ikkje veldig mykje til dette, med mindre ein bur på for eksempel danmarksplass (danmarksplass = bydel som har blitt til trafikkork). Til vanleg er det REGN og VIND i bergen. Slik har det ikkje vore i det siste. Desverre. Dei siste dagane har det vore kaldt, tørt og ikkje så mykje som eit einaste lite vindpust. Resultat? Lufta i Bergen sentrum inneheld tre gonger så mykje svevestøv (av den farlegaste typen) som anbefat maxverdi, i følgje bt.no.
Jippi! Eg føler meg så heldig. Eg slepp å døy av å bli påkøyrd av ein trailer, det er nok å gå på fortauet ved sida av...

Dette er for øvrig ikkje noko nytt problem. Slik har det vore i bergen kvar vinter, sidan, tja, i alle fall dei siste 15-20 åra. Det har til og med blitt bestemt at ein skulle gjera noko med det. I 2002 vedtok bystyret billegare bussbillettar på dagar med middels eller høg luftforureining. Det høyrest jo fint ut. Bortsett frå at det ikkje har skjedd då...
Det beste hadde jo sjølvsat vore bilfri by. For det kan vel ikkje vera så mykje vansklegare for alle dei vaksne (som insisterar på å køyre ein og ein i bilen på veg til jobb) å ta bussen enn det er for skuleelevar, studentar og pensjonistar? Eg for eksempel greier jo heilt fint å ta bussen til jobb kvar dag. Er ikkje noko vanskeleg det. Sikkert ikkje dyrare enn å køyra bil heller (sjølv om busskortet jo er ALTFOR dyrt, men det kan eg skriva om ei anna gong). Eg må innrømma at det er få eg har så lite respekt for som dei som insisterar på å køra bil til jobb kvar dag. Heilt aleine i bilen. Gjennom sentrum og FORBI huset eg bur i. Drittsekkar. Kva har eg gjort dei? Kva rett har DEI til å øydeleggja MINE lunger? Og ja, det er greit nok at nokre må plukke opp ungar i barnehagen, men eg veit om opptil fleire aleineforeldre som ikkje har råd til bil, men som heilt fint greier å få med seg ungane heim kvar dag likevel. Det er rart med det. Kva ein får til om ein berre vil.

No som det er sagt at ein kan greie seg utan bil til og med i dag seier det seg sjølv at den dagen me får bilfri by med gartis buss og bybane vil det ikkje vera noko som helst problem og koma seg frå A til B (til C...) for nokon.
Eg las ei gong ein stad (hugsa ikkje kvar, så kan ikkje sei dette talet sikkert) at 400 menneske dør av ting som kan relaterast til svevestøv i Bergen kvart år. Det er faktisk ganske mange. Det er noko som burde bli teke på alvor.
Så lat oss håpa at det ikkje er så lenge til det vert bilfri by, for det må jo vera folk å ha bilfri by for igjen i byen...

Bergen ein "fin" vinterdag.

Om møtekultur og sånn

2005-12-06T22:18:00.000+01:00

No har eg nettopp vert på møte. og eg må sei at eg er litt indignert. For maken til hersketeknikkbruk er det lenge sidan eg har sett. Oh my god. Her er ein på møte i ein organisasjon der ein i alle fall skulle tru at medlemmane hadde ein viss feministisk forståelse av samfunnet. Men nei då.
Det er greit nok at innleiaren kom litt seint, og at det på grunn av dette var litt anarki på byrjinga av møtet. Eg meinar, sånt hender jo. Men eit minimum av respekt for at andre snakkar må ein jo likavel kunne forventa. Det er jo ikkje ein gong eit spesielt feministisk krav, det er vanleg FOLKESKIKK.
Men det verste var for øvrig at til trass for at dette møtet var eit jævlig godt eksempel på at jenter og gutar ikkje stiller på lik fot her i verda og at særskilt jenteorganisering er ikkje berre lurt, men naudsynt, så satt ein masse gutar (og nokre jenter) der og påsto at hersketeknikkar rammar gutar i like stor grad som jenter og at særskilt jenteorganisering er dikriminering av gutar.
Eg gir opp... Har ikkje folka auger i hovudet? Kan dei ikkje sjå kva dei sit der og gjer på? Er dei blinde og døve?

Er det nokon der ute som blir med på å laga eit nytt land? Der alle blir behandla som individ og ikkje som kjønn, der alle blir respekter for den dei er og ingen trur dei har større rett til å snakke in public enn meg berre fordi dei tilfeldigvis har ein dum utovertiss....

Det klassedelte samfunnet

2005-12-04T01:18:00.000+01:00

Er no i Trondheim på 4/5 dagen (det er ca midt på natta). Har i løpet av mi korte tid her oppdaga noko ganske interessant, nemleg at Trondheim i alle høgaste grad er ein klassedelt by. Dette kjem jo ikkje som noko sjokk, verken på meg eller (forhåpentleg) på nokon andre. Det som nok sjokkerar meg litt er kor tydeleg det er. "Dei rike" ha sine butikkar og sine fancy hus medan "dei andre" har sine butikkar og sine delar av byen. Hm...
No har jo ikkje eg særskilt inngåande kunskapar om Trondheim og Trondheims historie så eg har inga bra forklaring på kvifor klasseskillet er så mykje tydlegare her enn mange andre stader. Det kan jo sjølvsagt ha med å gjera at det er ein gamal by, og at overklassen her dermed er "eldre" og meir "innbarka", men i så fall burde jo overklassen i bergen (som og er ein relativt gamal by) og ha vore like tydeleg. Eg veit ikkje (tips blir mottekne med takk). Men ein ting er i alle fall sikkert, det er ganske spesielt å sjå eit så klassedelt samfunn i Noreg.

Å ha blogg

2005-11-24T20:35:00.000+01:00

Så har endeleg eg og kapitulert og fått meg blogg. Ganske gøy, skulle berre hatt litt betre tid til å fiksa og ordna på den. Jaja.
Har nesten ikje fortalt nokon at eg har fått blogg endå. Sånn i frykt for at dei skulle synast at den var stygg og keisam. Men men. Folk finn det vel ut etter kvart...
Wish me luck :)

Artikkel eg har skrive til loaklavisa heime

2005-11-23T23:06:00.000+01:00

I dag skal eg byrja med ei gamal historie, eller gåte om du vil. Nokre av dykk har sikkert høyrt ho før, men det får berre vera.
Ein mann og hans son var ute og køyrde bil ein kveld. Pluttseleg skjena ein bil over frå motgåande køyrefelt og krasja med bilen som faren og sonen sat i. Faren døydde momentant medan sonen vart sendt til sjukehuset, hardt skadd.
Då sonen vart trilla inn på operasjonstova utbraut kirurgen; -Eg kan ikkje operera, det er son min.
Korleis kan dette ha seg?
Eg håpar du skjøna korleis ting heng saman. Om ikkje burde du gå og skamma deg (for så å gå og spørja ho som vaska sokkane dine når du var liten om svaret, for ho veit det nok).
Og poenget mitt med historia? At me kan tru at me lever i eit land der alle er likestilte og har same rettar uansett kjønn, legning eller hudfarge så mykje me berre vil, men det er ikkje sikkert det stemmer. Når det er sagt er det sansynleg at du tenkte på at faren kunne vera homofil før du tenkte på at kirurgen kunne vera mora (for det er jo sjølvsagt det som er det rette svaret).

I “likestilte” noreg er det framleis slik at kvinner i snitt tener 36% mindre enn menn. Dette har sjølvsagt fleire grunnar, blant anna at kvinner jobbar meir deltid, at typiske “kvinneyrke” er lågare lønna enn typiske “mannsyrke” og at jenter vel desse typiske “kvinneyrka” med mykje deltid. Særskilt det siste er interessant, for er det eigentleg slik at kvinner har lyst til å gjera drittarbeidet til låg løn i 70% stilling?
Det vert ofte sagt at kvinner frå naturen si side er utstyrt med meir empati, altså evne til å føle med andre, enn menn, og at det difor er naturleg at kvinner vel yrke som hjelpepleiar eller barneskulelærar.
For det fyrste veit eg ikkje heilt om det er så kult for mennene at dei liksom IKKJE skal vera utstyrt med dei same menneskeleg følelsane som kvinner, men det får me ta ei anna gong.
Altså, kvinner er liksom fødd med eit empatigen som menn manglar og difor vil me arbeida på gamleheim i 70% stilling. No kan ikkje eg påstå at eg ser samanhengen mellom eit eventuellt empatigen og deltidstillingar, men den fins visstnok. Kanskje tanken er at ein føler med alle dei som eventuellt ikkje hadde fått jobb om alle med deltidstillingar hadde fått heiltidstillingar? Men frå spøk til alvor.
Det er altså slik at i den sektoren som nok (og her berre trure eg) anset flest kvinner fins det nesten berre deltidstillingar. Det blir i utgangspunketet nesten berre lyst ut deltidstillingar. Hm. Kanskje det kan vera litt av grunnen til at så mange kvinner har deltidstillingar. Ufrivilleg. For det er jo ikkje slik at alle dei deltidsansette kvinnene i helse og omsorgsektoren har gått til sjefen og sagt;- Duuu, atte, eg synest det er så mykje meir givande å vaske golva heime enn å jobber her og tene pengar, så eg vil berra ha 60% stilling. Dei fleste arbeidar faktisk ufrivillig deltid. Dei berre hadde ikkje noko val, dei fekk aldri valet mellom fulltid eller deltid. Så difor er mange kvinner deltidsarbeidsledige, for det er jo det dei i realiteten er.
Det er det forøvirg ikkje alle som har noko i mot. For om det er slik at alle kvinner er fødde med eit omsorgsgen så kan jo dette slå ut på mange måtar. For eksempel ved at ein vel å arbeide på gamleheim, men og ved at ein vel å ta seg av familien sin. For det er jo det ein gjer når ein steller heime, vaskar golv og tørkar støve. Sagt med andre ord, dette omsorgsgenet er ikkje berre eit omsorgsgen, men eit tørke-støv-gen. Ja.
No trur eg nok at alle som nokon gong har kasta eit blikk inn på eit av dei romma eg har budd på opp gjennom åra tvilar litt på at eg er fødd med eit tørke-støv-gen. Eg personleg tvilar på at konseptet støv i det heile teke var påkome på den tida menneska utvikla genmaterialet sitt.
No er det sikkert nokre konservative, gamle gubbar og livmorfeminister (du veit, slike som går rundt og masar om at ein må oppskatte det kvinnelege, kva no det måtte vera, dei er ofte svenske eller med i Krf) som føler seg djupt indignerte, såra og vonbrote og ikkje så beint lite forvirra etter å ha lese det forrige avsnittet. Det får så vera. Eg har nemleg ikkje tenkt å lata som om eg likar å vaske opp berre fordi nokon har ein illusjon om at det ligg i min natur å gjera slik.
No som me har slått fast at det mest truleg ikkje fins noko særskilt kvinneleg omsorgsgen (les: tørka-støv-gen) må me nok prøva å finna nokre andre grunnar til at kvinner (og menn) likevel vel så tradisjonelt når dei skal få seg eit yrke. Kanskje har det noko med strukturane i samfunnet å gjera? Kanskje har det noko med oppveksten vår å gjera? Kanskje er det slik at når den fyrste leika til vesle Lise er ei dokke så gjer det noko med ho. Kanskje er det slik at når vesle Per vert med pappa for å hente ved og vesle Lise blir igjen på kjøkkenet med mamma så spelar det ei rolle for korleis Lise og Per vel seinare i livet. Det er ikkje utenkeleg, er det vel?
Så, kva gjer det eigentleg med kavrdagen til Lise og Per at dei gjer val som gjer dei ulik løn når dei vert vaksne?
Vel, for det fyrste så får menn og kvinner ein ulik økonomisk situasjon. Denne skeivheita er ikkje basert på noko anna en kva kjønn ein tilfeldigvis vart fødd med, noko som i utgangspunktet slår meg som urettvist.
Denne skeivheita betyr fil dømes at kvinner i utgangspunktet har dårlegare kjøpekraft enn menn, har dårlegare forutsetningar for å betale husleige, mat,

guris gale verd

2005-11-23T22:18:00.000+01:00

Så hadde eg og fått meg blogg. Jupp. Finn ikkje ut kordan eg skal redigera linkane. HJELP!
Kanskje berre dataen er dum? Hm...